BAILII [Home] [Databases] [World Law] [Multidatabase Search] [Help] [Feedback]

Statutory Instruments made by the National Assembly for Wales
You are here: BAILII >> Databases >> Statutory Instruments made by the National Assembly for Wales >> Gorchymyn Dociau a Harbyrau (Gwerthoedd Ardrethol) (Cymru) 2000
URL: http://www.bailii.org/wales/legis/num_reg/2000/20000948w.html

[New search] [Help]

OFFERYNNAU STATUDOL

2000 Rhif 948 (Cy. 41)

ARDRETHU A PHRISIO, CYMRU

Gorchymyn Dociau a Harbyrau (Gwerthoedd Ardrethol) (Cymru) 2000

  Wedi'i wneud 31 Mawrth 2000 
  Yn dod i rym 1 Ebrill 2000 

Mae Cynulliad Cenedlaethol Cymru yn gwneud y Gorchymyn canlynol drwy arfer y pwerau a roddwyd i'r Ysgrifennydd Gwladol gan adrannau 140(4), 143(1) a (2) o Ddeddf Cyllid Llywodraeth Leol 1988[1],a pharagraffau 3(1), (3) a (4) o Atodlen 6 iddi, sydd bellach wedi'u breinio yng Nghynulliad Cenedlaethol Cymru i'r graddau y maent yn arferadwy yng Nghymru.

Cymhwyso, enwi a chychwyn
     1. Enw'r Gorchymyn hwn, sy'n gymwys i Gymru yn unig, yw Gorchymyn Dociau a Harbyrau (Gwerthoedd Ardrethol) (Cymru) 2000 a daw i rym ar 1 Ebrill 2000.

Dehongli
     2. Yn y Gorchymyn hwn  - 

    ystyr "balans perthnasol" ("relevant balance") mewn perthynas ag ymgymeriad a chyfnod yw 92.5 y cant o incwm perthnasol yr ymgymeriad hwnnw am y cyfnod, llai 100 y cant o'i wariant perthnasol am y cyfnod;

    ystyr "balans wedi'i addasu" ("adjusted balance") mewn perthynas ag ymgymeriad a chyfnod yw 92.5 y cant o incwm wedi'i addasu yr ymgymeriad am y cyfnod llai 100 y cant o'i wariant wedi'i addasu am y cyfnod;

    ystyr "blwyddyn" ("year"), oni bai bod y cyd-destun yn mynnu fel arall, yw blwyddyn ariannol daladwy; ac mewn perthynas ag unrhyw flwyddyn ystyr "blwyddyn flaenorol berthnasol" ("relevant preceding year") yw'r flwyddyn yn diweddu yn union cyn y flwyddyn o dan sylw;

    ystyr "cyfnod" ("period") mewn perthynas ag ymgymeriad yw'r cyfnod cyfrifydda y cyfeirir ato er mwyn llunio cyfrifon yr ymgymeriad;

    ystyr "gwariant perthnasol" ("relevant expenditure") mewn perthynas ag ymgymeriad a chyfnod yw'r holl wariant a gynhwyswyd neu sydd i'w gynnwys yng nghyfrif refeniw neu gyfrif elw a cholled yr ymgymeriad am y cyfnod, p'un a yw'n deillio o'r gweithrediadau a gyflawnwyd o dan yr awdurdod y cyfeirir ato yn erthygl 3(1)(a) neu fel arall, heblaw  - 

      (i) gwariant mewn perthynas ag arweiniad;

      (ii) gwariant  - 

    (a) mewn perthynas â buddsoddiadau y mae'n ofynnol eu dangos yng nghyfrifon yr ymgymeriad (heblaw gwariant mewn perthynas â buddsoddiadau mewn is-gwmnïau);

    (b) y'n llogau sy'n daladwy mewn perthynas â benthyciadau neu wariant mewn perthynas â llogau o'r fath;

    (c) sy'n daliadau ar gyfer rheoli eiddo sy'n cael ei osod allan ac sy'n hereditament neu sy'n ffurfio rhan o hereditament a ddangosir ar unrhyw restr ardrethu annomestig, neu wariant mewn cysylltiad â rheoli o'r fath;

      (iii) gwariant a dynnir mewn perthynas â gwaredu tir; a

      (iv) symiau a ddilëir mewn perthynas â dibrisiant.

Ystyr "gwariant wedi'i addasu" ("adjusted expenditure") mewn perthynas ag ymgymeriad a chyfnod yw swm gwariant perthnasol yr ymgymeriad am y cyfnod wedi'i luosi â chynnyrch

P
Y;
Ystyr "incwm perthnasol" ("relevant income") mewn perthynas ag ymgymeriad a chyfnod yw'r holl incwm refeniw a gynhwyswyd neu sydd i'w gynnwys yng nghyfrif refeniw neu gyfrif elw a cholled yr ymgymeriad am y cyfnod, p'un a yw'n deillio o'r gweithrediadau a gyflawnir o dan yr awdurdod y cyfeirir ato yn erthygl 3(1)(a) neu fel arall, ond heb gynnwys  - 

      (i) incwm mewn perthynas ag arweiniad;

      (ii) incwm  - 

    (a) o fuddsoddiadau y mae'n ofynnol eu dangos yng nghyfrifon yr ymgymeriad (heblaw buddsoddiadau mewn is-gwmnïau);

    (b) benthyciadau neu adneuon;

    (c) rhent neu daliadau eraill y gellir eu derbyn yn dâl am roi caniatâd i feddiannu neu i ddefnyddio unrhyw eiddo sydd gan yr ymgymeriad, neu hawl dros eiddo o'r fath, sy'n hereditament neu sy'n ffurfio rhan o hereditament a ddangosir ar unrhyw restr ardrethu annomestig;

    (ch) unrhyw swm y gellir ei dderbyn mewn perthynas â gwaredu tir.

    ystyr "incwm wedi'i addasu" ("adjusted income") mewn perthynas ag ymgymeriad a chyfnod yw swm incwm perthnasol yr ymgymeriad am y cyfnod hwnnw wedi'i luosi â chynnyrch

P
Y
a  - 
    P yw mynegai prisiau manwerthol Medi 1997, a

    Y yw mynegai prisiau manwerthol y mis Medi yn ystod y cyfnod o dan sylw, oni bai bod mis sylfaenol mynegai ar gyfer y mis Medi hwnnw yn wahanol i fis sylfaenol mynegai Medi 1997, ac os felly Y yw'r ffigur a gyfrifir at ddibenion paragraff 5(5) o Atodlen 7 i Ddeddf Cyllid Llywodraeth Leol 1988 fel y ffigur y byddai mynegai'r mis Medi yn ystod y cyfnod wedi bod pe bai mis sylfaenol y mynegai wedi bod yr un fath yn y ddau achos;

Cymhwyso
     3.  - (1) Mae'r Gorchymyn hwn yn gymwys, ac eithrio yn yr achosion a ddisgrifir ym mharagraffau (2) i (4):

    (2) Nid yw'r Gorchymyn hwn yn gymwys  - 

    (3) At ddibenion paragraff (2), trinnir corff fel corff cysylltiedig unrhyw bersonau  - 

    (4) Heblaw er mwyn cyfrifo incwm perthnasol neu wariant perthnasol, nid yw'r Gorchymyn hwn yn gymwys i hereditament a feddiennir gan y personau sy'n cyflawni ymgymeriad doc neu harbwr nad yw yn dir gweithredol yn unig. Yn y paragraff hwn, ystyr "tir gweithredol" yw tir a ddefnyddir er mwyn cyflawni'r ymgymeriad, nad yw'n dir sydd, o ran ei natur a'i leoliad, i'w gymharu â thir yn gyffredinol yn hytrach nag â thir a ddefnyddir er mwyn cyflawni ymgymeriadau statudol (o fewn ystyr Deddf Cynllunio Gwlad a Thref 1990)[3].

Gwerthoedd ardrethol
     4.  - (1) Ni fydd paragraffau 2 i 2C o Atodlen 6 i Ddeddf Cyllid Llywodraeth Leol 1988[4] yn gymwys i unrhyw hereditament y mae'r Gorchymyn hwn yn gymwys iddo; a phennir gwerth ardrethol unrhyw hereditament o'r fath yn unol â'r erthygl hon.

    (2) Yn ddarostyngedig i baragraffau (4) a (5), bydd gwerth ardrethol unrhyw hereditament y mae'r gorchymyn hwn yn gymwys iddo am y flwyddyn yn dechrau ar 1 Ebrill 2000 yn swm sy'n gyfartal â 20 y cant o falans perthnasol yr ymgymeriad  - 

      (i) am gyfnod o ddeuddeng mis yn diweddu yn ystod y flwyddyn yn diweddu â 31 Mawrth 1998, neu, os nad oes un,

      (ii) am y deuddeng mis yn diweddu â chyfnod sy'n diweddu yn y flwyddyn honno (ac os oes mwy nag un cyfnod o'r fath, yr un diwethaf), neu, os nad oes un,

      (iii) am y deuddeng mis yn diweddu â 31 Mawrth 1998.

    (3) Yn ddarostyngedig i baragraffau (4) i (6), am unrhyw flwyddyn ddilynol y mae'r rhestr berthnasol yn effeithiol ar ei chyfer, bydd gwerth ardrethol unrhyw hereditament y mae'r gorchymyn hwn yn gymwys iddo yn swm sy'n gyfartal â 20 y cant o'r balans wedi'i addasu ar gyfer yr ymgymeriad  - 

      (i) am gyfnod o ddeuddeng mis yn diweddu yn ystod y flwyddyn flaenorol berthnasol, neu, os nad oes un,

      (ii) am y deuddeng mis yn diweddu â chyfnod sy'n diweddu yn y flwyddyn flaenorol berthnasol honno (ac os oes mwy nag un cyfnod o'r fath, yr un diwethaf) neu, os nad oes un,

      (iii) am y deuddeng mis yn diweddu â'r flwyddyn honno.

    (4) Os yw'r swm sy'n gyfartal â 20 y cant o X, mewn perthynas â blwyddyn ac ymgymeriad, yn fwy na 13 y cant o Z, ni fydd paragraff (2) neu, yn ôl fel y digwydd, paragraff (3), yn gymwys, a bydd y gwerth ardrethol am y flwyddyn honno yn gyfartal â 13 y cant o Z.

    (5) Os yw'r swm sy'n gyfartal â 20 y cant o X , mewn perthynas â blwyddyn ac ymgymeriad, yn llai na 5 y cant o Z, ni fydd paragraff (2) neu, yn ôl fel y digwydd, paragraff (3) yn gymwys, a bydd y gwerth ardrethol am y flwyddyn honno yn gyfartal â 5 y cant o Z.

    (6) Os byddai'r gwerth ardrethol a bennid o dan baragraff (3), neu, yn ôl fel y digwydd, paragraff (4) neu (5), mewn perthynas â blwyddyn yn dechrau ar neu ar ôl 1 Ebrill 2001 ac ymgymeriad, yn wahanol i'r gwerth ardrethol am y flwyddyn flaenorol berthnasol o ddim mwy nag 20 y cant o'r gwerth ardrethol hwnnw, ni fydd y paragraff o dan sylw yn gymwys, a bydd y gwerth ardrethol am y flwyddyn honno yr un fath â'r gwerth ardrethol am y flwyddyn flaenorol berthnasol.

    (7) At ddibenion paragraffau (4) a (5)  - 

         X am y flwyddyn yn dechrau ar 1 Ebrill 2000 yw'r balans perthnasol ac am y blynyddoedd dilynol yw'r balans wedi'i addasu;

         Z am y flwyddyn yn dechrau ar 1 Ebrill 2000 yw'r incwm perthnasol ac am y blynyddoedd dilynol yw'r incwm wedi'i addasu;

         cyfrifir X a Z am y flwyddyn yn dechrau ar 1 Ebrill 2000 am y cyfnod a ddisgrifir ym mharagraff (2)(i) neu, os nad oes cyfnod o'r fath, am y cyfnod a ddisgrifir ym mharagraff (2)(ii) neu, os nad oes cyfnod o'r fath, am y cyfnod a ddisgrifir ym mharagraff (2)(iii);

         cyfrifir X a Z am y blynyddoedd dilynol am y cyfnod a ddisgrifir ym mharagraff (3)(i) neu, os nad oes cyfnod o'r fath, am y cyfnod a ddisgrifir ym mharagraff (3)(ii) neu, os nad oes cyfnod o'r fath, am y cyfnod a ddisgrifir ym mharagraff (3)(iii).

    (8) Os byddai unrhyw werth ardrethol a bennid o dan yr erthygl hon yn cynnwys ffracsiwn o bunt (heblaw yn y paragraff hwn)  - 

    (a) os byddai'r ffracsiwn yn fwy na 50c, câi ei godi i un bunt, a

    (b) os byddai'r ffracsiwn yn 50c neu lai, câi ei anwybyddu.

Diddymiadau ac eithriadau
     5.  - (1) Yn ddarostyngedig i baragraff (2), diddymir y canlynol drwy hyn  - 

Gorchymyn Dociau a Harbyrau (Gwerthoedd Ardrethol) 1989[5];

Gorchymyn Dociau a Harbyrau (Gwerthoedd Ardrethol) (Diwygio) 1994[6].

    (2) Bydd y Gorchmynion a grybwyllir ym mharagraff (1) yn parhau'n effeithiol ar ac ar ôl 1 Ebrill 2000 at y dibenion canlynol, ac at ddibenion sy'n gysylltiedig â hwy  - 

    unrhyw addasiad i restr ardrethu annomestig leol a lunnir cyn 1 Ebrill 2000; neu

    unrhyw ddarpariaeth a wneir gan reoliadau o dan adran 58[7] (darpariaeth arbennig ar gyfer 1995 ymlaen) o Ddeddf Cyllid Llywodraeth Leol 1988 ynghylch y swm taladwy ar gyfer hereditament am gyfnod perthnasol fel y'i diffinnir yn yr adran honno.



Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[8]).


D. Elis Thomas
Llywydd y Cynulliad Cenedlaethol

31 Mawrth 2000


EXPLANATORY NOTE

(Nid yw'r nodyn hwn yn rhan o'r Gorchymyn.)


Caiff Cynulliad Cenedlaethol Cymru, drwy gyfrwng gorchymyn, o dan baragraff 3(1) o Atodlen 6 i Ddeddf Cyllid Llywodraeth Leol 1988, ddarparu nad yw hereditamentau, yng Nghymru, o unrhyw ddosbarth i gael eu prisio ar gyfer ardrethu annomestig ar y sail a nodir ym mharagraffau 2 i 2C o'r Atodlen honno (hynny yw, drwy gyfeirio at y rhent y byddai tenant damcaniaethol yn ei dalu am yr hereditament ar sail flynyddol), ond yn hytrach ar sail rheolau a nodir yn y gorchymyn.

Yn ôl erthygl 3 o'r Gorchymyn hwn, mae gwerth ardrethol hereditamentau sy'n ymgymeriadau dociau neu harbyrau sy'n cael eu cyflawni o dan awdurdod unrhyw ddeddfiad i gael ei bennu ar sail y rheolau a nodir yn erthygl 4, ac eithrio yn achos mân ymgymeriadau penodol, sef yn y bôn y rhai ag incwm perthnasol o lai na £1,000,000 ym 1998, a dociau a harbyrau a ddefnyddir yn gyfan gwbl neu yn bennaf gan y person sy'n eu gweithredu, neu gan bersonau sy'n gysylltiedig â hwy, at eu dibenion eu hunain.

Mae erthygl 4 yn darparu y bydd gwerth ardrethol hereditamentau o'r fath, am flwyddyn ariannol daladwy, yn swm sy'n gyfartal â 20 y cant o'r balans rhwng swm ar gyfer incwm a swm ar gyfer gwariant yr ymgymeriad (a'r ddau swm yn cael eu cyfrifo yn unol a'r Gorchymyn) yn ddarostyngedig i drothwy penodol.

Mae Erthygl 5 yn diddymu, gydag eithriadau, ddarpariaethau Gorchymyn Dociau a Harbyrau (Gwerthoedd Ardrethol) 1989 (fel y'i diwygiwyd), i'r graddau yr oedd yn gymwys mewn perthynas â rhestri ardrethu annomestig lleol ar gyfer Cymru a luniwyd ar 1 Ebrill 1990 a 1 Ebrill 1995.

Notes:

 [1] 1988 p. 41 Gweler adran 146(6) i gael y diffiniad o "prescribed". Diwygiwyd adran 143(2) gan baragraff 72(2) o Atodlen 5 i Ddeddf Llywodraeth Leol a Thai 1989 (p.42) . Diwygiwyd paragraff 3(1) o Atodlen 6, a mewnosodwyd paragraffau 3(3) a 3(4), gan baragraff 38(12) a (14) o Atodlen 5 i Ddeddf 1989. Mae'r pwerau hyn wedi'u datganoli, mewn perthynas â Chymru i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672); gweler y cyfeiriad at Ddeddf Cyllid Llywodraeth Leol 1988 yn Atodlen 1.back

[2] 1985 p.6. Disodlwyd adran 736 gan adran 144(1) o Ddeddf Cwmnïau 1989 (p.40).back

[3] 1990 p8.back

[4] Diwygiwyd paragraff 2, a mewnosodwyd paragraff 2A a 2B, gan baragraff 38(3) i (11) o Atodlen 5 i Ddeddf Llywodraeth Leol a Thai 1989 (p.42). Mewnosodwyd paragraff 2C gan adran 2 o Ddeddf Llywodraeth Leol ac Ardrethu 1997 (p.29).back

[5] O.S. 1989/2473, a ddiwygiwyd gan O.S. 1994/3280.back

[6] O.S. 1994/3280.back

[7] Diwygiwyd Adran 58 gan baragraff 68 o Atodlen 13 i Ddeddf Cyllid Llywodraeth Leol 1992 (p.14), adran 2 o Ddeddf Ardrethu Annomestig 1994 (p.3) ac adran 1 o Ddeddf Llywodraeth Leol ac Ardrethu 1997 (p.29).back

[8] (ch) 1998 p.38.back


English version

BAILII: Copyright Policy | Disclaimers | Privacy Policy | Feedback | Donate to BAILII
URL: http://www.bailii.org/wales/legis/num_reg/2000/20000948w.html