[New search]
[Help]
2001 Rhif 3731 (Cy.308)
LLYWODRAETH LEOL, CYMRU
Rheoliadau Awdurdodau Lleol (Buddsoddiadau wedi'u Cymeradwyo) (Diwygio) (Cymru) 2001
| |
Wedi'u gwneud |
20 Tachwedd 2001 | |
| |
Yn dod i rym |
1 Rhagfyr 2001 | |
Mae Cynulliad Cenedlaethol Cymru yn gwneud y Rheoliadau canlynol drwy arfer y pwer a roddwyd i'r Ysgrifennydd Gwladol gan adran 66(1)(a) o Ddeddf Llywodraeth Leol a Thai 1989[1] sydd bellach wedi'i freinio yng Nghynulliad Cenedlaethol Cymru i'r graddau y mae'n arferadwy yng Nghymru [2]:
Enwi, cychwyn a chymhwyso
1.
- (1) Enw'r Rheoliadau hyn yw Rheoliadau Awdurdodau Lleol (Buddsoddiadau wedi'u Cymeradwyo) (Diwygio) (Cymru) 2001 a deuant i rym ar 1 Rhagfyr 2001.
(2) Mae'r Rheoliadau hyn yn gymwys i Gymru yn unig.
Diwygio Rheoliadau Awdurdodau Lleol (Cyllid Cyfalaf) (Buddsoddiadau wedi'u Cymeradwyo) 1990
2.
- (1) Diwygir Rheoliadau Awdurdodau Lleol (Cyllid Cyfalaf) (Buddsoddiadau wedi'u Cymeradwyo) 1990[3] ("Rheoliadau 1990") fel a ganlyn.
(2) Yn rheoliad 1 (dehongli) -
(a) hepgorir y diffiniad o "authorised institution";
(b) ar ôl y diffiniad o "bill of exchange" mewnosodir y diffiniad canlynol -
"
"deposit-taker" has the same meaning as in section 43 of the Local Government and Housing Act 1989[4];";
(c) yn y diffiniad o "relevant lender", yn lle'r geiriau "an authorised institution or a building society within the meaning of the Building Societies Act 1986" rhoddir y geiriau "a deposit-taker".
(3) Yn rheoliad 2 (buddsoddiadau wedi'u cymeradwyo) -
(a) yn lle paragraff (b) rhoddir y paragraff canlynol -
"
(b) any deposit made with a deposit-taker (other than a deposit-taker falling within sub-paragraph (c)) or the Bank of England, or any certificate of such a deposit, and, for this purpose, "deposit" has the same meaning as in article 5 of the Financial Services and Markets Act 2000 (Regulated Activities) Order 2001[5] except that no account is to be taken of the reference to a local authority in article 6(1)(a)(viii) of that Order;";
(b) Ym mharagraff (d) yn lle'r geiriau "an authorised institution" rhoddir y geiriau "a deposit-taker".
Darpariaeth arbed
3.
Bydd unrhyw fuddsoddiad a wnaed gan awdurdod lleol ar neu cyn 30 Tachwedd 2001 a oedd, ar y dyddiad hwnnw, yn fuddsoddiad wedi'i gymeradwyo at ddibenion Rhan IV o Ddeddf Llywodraeth Leol a Thai 1989 (cyfrifon refeniw a chyllid cyfalaf yr awdurdodau lleol) yn rhinwedd rheoliad 2 o Reoliadau 1990 yn parhau yn fuddsoddiad wedi'i gymeradwyo at ddibenion Rhan IV er gwaethaf y diwygiadau i Reoliadau 1990 a wneir gan y Rheoliadau hyn.
Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998 [6]
D. Elis-Thomas
Llywydd y Cynulliad Cenedlaethol
20 Tachwedd 2001
EXPLANATORY NOTE
(Nid yw'r nodyn hwn yn rhan o'r Rheoliadau)
Mae Rheoliadau Awdurdodau Lleol (Cyllid Cyfalaf) (Buddsoddiadau wedi'u Cymeradwyo) 1990 yn cynnwys rhestr o fuddsoddiadau sydd wedi'u cymeradwyo at ddibenion Rhan IV o Ddeddf Llywodraeth Leol a Thai 1989 (sy'n gosod rheolau ar gyfrifon refeniw a chyllid cyfalaf yr awdurdodau lleol).
Mae rheoliad 2 o'r Rheoliadau hyn yn gwneud mân ddiwygiadau i Reoliadau 1990 ar ôl i Ddeddf Gwasanaethau a Marchnadoedd Ariannol 2000 ddod i rym. Darpariaeth arbed yw rheoliad 4, a'i effaith yw bod buddsoddiadau a oedd yn fuddsoddiadau wedi'u cymeradwyo ar 30 Tachwedd 2001 yn parhau yn fuddsoddiadau wedi'u cymeradwyo at ddibenion Rhan IV.
Notes:
[1]
1989 p.42.back
[2]
Gweler Gorchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672).back
[3]
O.S. 1990/426; cafodd diwygiad perthnasol ei wneud gan O.S. 1995/1982.back
[4]
Mewnsodwyd diffiniad "deposit-taker" yn adran 43 gan Orchymyn Deddf Gwasanaethau a Marchnadoedd Ariannol 2000 (Diwygiadau Canlyniadol) 2001 (O.S. 2001/3649).back
[5]
O.S. 2001/544.back
[6]
1998 p.38.back
English version
ISBN
0 11090373 0
|
Prepared
29 November 2001
BAILII:
Copyright Policy |
Disclaimers |
Privacy Policy |
Feedback |
Donate to BAILII
URL: http://www.bailii.org/wales/legis/num_reg/2001/20013731w.html
