OFFERYNNAU STATUDOL
2003 Rhif 815 (Cy.100)
Y GWASANAETH IECHYD GWLADOL, CYMRU
Rheoliadau Bwrdd Iechyd Lleol Powys (Swyddogaethau Ychwanegol) 2003
| |
Wedi'u gwneud |
20 Mawrth 2003 | |
| |
Yn dod i rym |
1 Ebrill 2003 | |
Mae Cynulliad Cenedlaethol Cymru, drwy arfer y pwerau a roddwyd iddo gan adrannau 16BB(2), (3) a (5) a 126(4) o Ddeddf y Gwasanaeth Iechyd Gwladol 1977 [1] drwy hyn yn gwneud y Rheoliadau canlynol:
Enwi, cychwyn a chymhwyso
1.
Enw'r Rheoliadau hyn yw Rheoliadau Bwrdd Iechyd Lleol Powys (Swyddogaethau Ychwanegol) 2003 a deuant i rym ar 1 Ebrill 2003 ac maent yn gymwys i Gymru yn unig.
Dehongli
2.
Yn y Rheoliadau hyn, onid yw'r cyd-destun yn mynnu fel arall -
ystyr "y Bwrdd" ("the Board") yw Bwrdd Iechyd Lleol Powys[2]
ystyr "y dyddiad perthnasol" ("the relevant date") yw 1 Ebrill 2003
ystyr "y Swyddogaethau Ychwanegol" ("the Additional Functions") yw -
(a) perchenogaeth a rheolaeth adeiladau a gwasanaethau ysbyty yn Ysbyty Bronllys, Bronllys, Powys LD3 0LU ac ysbytai cysylltiedig[3]; a
(b) rheolaeth gwasanaethau iechyd cymunedol a ddarperir gan Ysbyty Bronllys, Bronllys, Powys, LD3 0LU a pherchenogaeth y tir a'r adeiladau cysylltiedig; ac
(c) swyddogaethau rheolwyr o dan Ddeddf Iechyd Meddwl 1983[4].
Swyddogaethau i'w harfer gan Fwrdd Iechyd Lleol Powys
3.
Mae'r Swyddogaethau Ychwanegol i'w harfer gan y Bwrdd o'r dyddiad perthnasol ymlaen.
Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[5].
John Marek
Dirprwy Lywydd y Cynulliad Cenedlaethol
20 Mawrth 2003
EXPLANATORY NOTE
(Nid yw'r nodyn hwn yn rhan o'r Rheoliadau)
Rhoddodd Rheoliadau Byrddau Iechyd Lleol (Swyddogaethau) 2003 (O.S. 2003/150 (Cy.20)) swyddogaethau penodedig i Fyrddau Iechyd Lleol a sefydlwyd ar gyfer pob ardal yng Nghymru yn unol ag adran 16BA o Ddeddf y Gwasanaeth Iechyd Gwladol 1977. Mae'r Rheoliadau hyn yn rhoi swyddogaethau ychwanegol i Fwrddd Iechyd Lleol Powys, sef swyddogaethau a gyflawnid gynt gan Ymddiriedolaeth Gofal Iechyd Gwasanaeth Iechyd Gwladol Powys ("yr ymddiriedolaeth"). Diddymwyd yr ymddiriedolaeth gan Orchymyn Ymddiriedolaeth Gofal Iechyd Gwasanaeth Iechyd Gwladol Powys (Diddymu) 2003 (O.S. 2003/817 (Cy.102)).
Notes:
[1]
1977 p.49. Diwygiwyd adran 126(4) gan Ddeddf 1990, adran 65(2) a chan Ddeddf 1999, Atodlen 4, a pharagraff 37(6). Mewnosodwyd adran 16BB gan adran 6 o Ddeddf Diwygio'r Gwasanaeth Iechyd Gwladol a Phroffesiynau Gofal Iechyd 2002 (p.17)back
[2]
Sefydlwyd o dan adran 16BA(1) o Dddeddf y Gwasanaeth Iechyd Gwladol 1977 gan O.S./2003/148 (Cy.18).back
[3]
Trosglwyddwyd asedau, hawliau a rhwymedigaethau Ymddiriedolaeth Gofal Iechyd Gwladol Powys i'r Bwrdd gan Orchymyn y Byrddau Iechyd Lleol (Trosglwyddo Eiddo, Hawliau a Rhwymedigaethau) (Cymru) 2003 (O.S. 2003/473 (Cy.63)).back
[4]
1983 p.20 ("Deddf 1983"); mae i'r ymadrodd "rheolwyr" yr ystyr a roddir i "managers" gan adran 145(1) o Ddeddf 1983.back
[5]
1998 p.38.back
English version
ISBN
0 11090697 7
|
