OFFERYNNAU STATUDOL
2003 Rhif 2726 (Cy.261)
AMAETHYDDIAETH, CYMRU
Cynllun Grantiau Ailstrwythuro'r Diwydiant Moch (Cymru) (Amrywio) 2003
| |
Wedi'i wneud |
23 Hydref 2003 | |
| |
Yn dod i rym |
31 Hydref 2003 | |
Mae Cynulliad Cenedlaethol Cymru, drwy arfer y pwerau a roddwyd iddo gan adran 1 o Ddeddf Tir Ffermio a Datblygu Gwledig 1988[1] ac adrannau 28 a 29 o Ddeddf Amaethyddiaeth 1970[2] yn gwneud y cynllun canlynol:
Enw, cymhwyso a chychwyn
1.
Enw'r Cynllun hwn yw Cynllun Grantiau Ailstrwythuro'r Diwydiant Moch (Cymru) (Amrywio) 2003, mae'n gymwys i Gymru a daw i rym ar 31 Hydref 2003.
Diwygio Cynllun Grant Ailstrwythuro'r Diwydiant Moch (Cymru) 2001
2.
- (1) Diwygir Cynllun Grant Ailstrwythuro'r Diwydiant Moch (Cymru) 2001[3] fel a ganlyn.
(2) Rhoddir, yn lle'r diffiniad o "banc" ym mharagraff 2, y diffiniad canlynol -
"
ystyr "banc" ("bank") yw -
(i) person a chanddo ganiatâd o dan Ran 4 o Ddeddf Gwasanaethau a Marchnadoedd Ariannol 2000[4]) i dderbyn adneuon,
(ii) cwmni'r Ardal Economaidd Ewrop o'r math a grybwyllwyd ym mharagraff 5(b) o Atodlen 3 i'r Ddeddf honno a chanddo ganiatâd o dan baragraff 15 o'r Atodlen honno (o ganlyniad i gymhwyso ar gyfer awdurdodi o dan baragraff 12 o'r Atodlen honno) i dderbyn adneuon,
(iii) y banc Cynilion Cenedlaethol,
(iv) banc bwrdeistrefol, sef cwmni a oedd, yn union cyn diddymu Deddf Bancio 1987[5] wedi ei eithrio o'r gwaharddiad yn adran 3 o'r Ddeddf honno yn rhinwedd adran 4(1) o'r Ddeddf honno a pharagraff 4 o Atodlen 2 iddi, neu
(v) undeb gredyd o fewn cwmpas yr ystyr yn Neddf Undebau Credyd 1979[6]."
(3) Mewnosodir y paragraff isod ar ôl is-baragraff (1) o baragraff 2.
"
(1A) Rhaid i ddiffiniad "banc" ("bank") yn is-baragraff (1) gael ei ddarllen gydag -
(a) adran 22 o Ddeddf Gwasanaethau a Marchnadoedd Ariannol 2000;
(b) unrhyw orchymyn perthnasol a wnaed o dan yr adran honno; ac
(c) Atodlen 2 i'r Ddeddf honno.".
Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[7]
D. Elis-Thomas
Llywydd y Cynulliad Cenedlaethol
23 Hydref 2003
EXPLANATORY NOTE
(Nid yw'r nodyn hwn yn rhan o'r Cynllun)
Mae'r Cynllun hwn yn diwygio Cynllun Grantiau Ailstrwythuro'r Diwydiant Moch (Cymru) 2001.
Mae'r diwygiadau a wneir yn ymwneud â diffinio banc ac maent yn dod yn sgil Deddf Gwasanaethau a Marchnadoedd Ariannol 2000.
Notes:
[1]
1988 p.16. Trosglwyddwyd pob swyddogaeth unrhyw Weinidog y Goron o dan y Ddeddf hon, i'r graddau eu bod yn arferadwy mewn cysylltiad â Chymru, i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672).back
[2]
1970 p.40; diffinnir "the appropriate authority" a "the appropriate Minister" yn adran 28(1). Trosglwyddwyd pob swyddogaeth unrhyw Weinidog y Goron o dan adrannau 28 a 29, i'r graddau eu bod yn arferadwy mewn cysylltiad â Chymru, i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672).back
[3]
O.S. 2001/643 (Cy.32).back
[4]
2000 p.8.back
[5]
1987 p.22.back
[6]
1979 p.34.back
[7]
1998 p.38.back
English version
ISBN
0 11090798 1
|
