BAILII is celebrating 24 years of free online access to the law! Would you
consider making a contribution?
No donation is too small. If every visitor before 31 December gives just £1, it
will have a significant impact on BAILII's ability to continue providing free
access to the law.
Thank you very much for your support!
[New search]
[Help]
OFFERYNNAU STATUDOL
2006 Rhif 123 (Cy.16)
DIOGELU'R AMGYLCHEDD, CYMRU
Rheoliadau Gwastraff (Dyletswydd Gofal o ran Gwastraff Cartref) (Cymru) 2006
| |
Wedi'u gwneud |
24 Ionawr 2006 | |
| |
Yn dod i rym |
26 Ionawr 2006 | |
Mae Cynulliad Cenedlaethol Cymru, gan ei fod wedi'i ddynodi[1], o ran Cymru, at ddibenion adran 2(2) o Ddeddf y Cymunedau Ewropeaidd 1972[2] o ran mesurau sy'n ymwneud ag atal, lleihau a dileu llygredd a achosir gan wastraff, drwy arfer y pwerau a roddwyd iddo gan adran 2(2) o'r Ddeddf honno, yn gwneud y Rheoliadau canlynol:
Enwi a chychwyn
1.
Enw'r Rheoliadau hyn yw Rheoliadau Gwastraff (Dyletswydd Gofal o ran Gwastraff Cartref) (Cymru) 2006 a deuant i rym ar 26 Ionawr 2006.
Cymhwyso dyletswydd gofal o ran gwastraff cartref i wastraff o eiddo domestig yng Nghymru
2.
—(1) Yn adran 34(2A) (dyletswydd gofal etc. o ran gwastraff) o Ddeddf Diogelu'r Amgylchedd 1990[3], ar ôl "England" mewnosoder "or Wales".
(2) Yn adran 2(2) o Reoliadau Gwastraff a Reolir 1992[4], ar ôl "England" mewnosoder "or Wales".
Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[5]
D. Elis-Thomas
Llywydd y Cynulliad Cenedlaethol
24 Ionawr 2006
EXPLANATORY NOTE
(Nid yw'r nodyn hwn yn rhan o'r Rheoliadau)
Mae'r Rheoliadau hyn yn cael eu gwneud o dan adran 2(2) o Ddeddf y Cymunedau Ewropeaidd 1972. Eu prif nod yw gweithredu, o ran Cymru, Erthygl 8 o Gyfarwyddeb y Cyngor 75/442/EEC ar wastraff[6] (y "Cyfarwyddeb Fframwaith Gwastraff") o ran meddiannydd eiddo domestig mewn perthynas â'r gwastraff cartref a gynhyrchir ar yr eiddo.
Mae rheoliad 1 (enwi a chychwyn) yn darparu y daw'r Rheoliadau hyn i rym ar 26 Ionawr 2006 a'u bod yn gymwys o ran Cymru.
Mae rheoliad 2 yn diwygio adran 34 o Ddeddf Diogelu'r Amgylchedd 1990 ("Deddf 1990"). Mae adran 34(2A) o Ddeddf 1990 (fel y'i mewnosodir gan Reoliadau Gwastraff (Dyletswydd Gofal o ran Gwastraff Cartref) (Cymru a Lloegr) 2005[7] yn gosod dyletswydd ar feddiannydd eiddo domestig yn Lloegr o ran y gwastraff cartref a gynhyrchir ar yr eiddo. Y ddyletswydd a osodir yw bod y meddiannydd yn cymryd yr holl fesurau sydd ar gael iddo ac sy'n rhesymol o dan yr amgylchiadau er mwyn sicrhau bod unrhyw drosglwyddiad ganddo o wastraff cartref a gynhyrchir ar yr eiddo ddim ond yn drosglwyddiad i berson awdurdodedig neu i berson at ddibenion cludo a awdurdodwyd. Mae rheoliad 2(2) yn estyn y ddyletswydd honno i unrhyw feddiannydd eiddo domestig yng Nghymru. Bydd unrhyw berson sy'n methu â chydymffurfio â'r ddyletswydd honno yn agored i gosbau, yn ôl adran 34(6) o Ddeddf 1990.
Mae rheoliad 3(1) yn gwneud diwygiadau canlyniadol i reoliad 2(2) o Reoliadau Gwastraff a Reolir 1992[8].
Mae arfarniad rheoliadol o'r effaith y bydd yr offeryn hwn yn ei chael ar gostau busnes wedi'i baratoi ac mae ar gael o Is-adran yr Amgylchedd — Diogelu ac Ansawdd, Cynulliad Cenedlaethol Cymru, Parc Cathays, Caerdydd CF10 3NQ.
Notes:
[1]
O.S. 2005/850.back
[2]
1972 p.68.back
[3]
1990 p.43.back
[4]
O.S. 1992/588, y mae diwygiadau iddo nad ydynt yn berthnasol i'r Rheoliadau hyn.back
[5]
1998 p.38.back
[6]
O.J. Rhif L194, 25.7.1975, t.39 (fel y'i diwygiwyd gan Gyfarwyddebau'r Cyngor 91/156/EEC (O.J. Rhif L78, 26.3.1991, t. 32), 91/692/EEC (O.J. Rhif L377, 31.12.1991, t.48 (fel y'i cywirwyd drwy Gorigendwm, O.J. Rhif L146, 13.6.2003, t.52)), Penderfyniad y Comisiwn 96/350/EEC (O.J. Rhif L135, 6.6.1996, t.32) a Rheoliad (EC) Rhif 1882/2003 (O.J. Rhif L284, 31.10.2003 t.1 )).back
[7]
O.S. 2005/2900.back
[8]
O.S. 1992/588.back
English version
ISBN
0 11 091259 4
| © Crown copyright 2006 |
Prepared
31 January 2006
|
BAILII:
Copyright Policy |
Disclaimers |
Privacy Policy |
Feedback |
Donate to BAILII
URL: http://www.bailii.org/wales/legis/num_reg/2006/20060123w.html
