[New search]
[Help]
OFFERYNNAU STATUDOL
2007 Rhif 311 (Cy.28)
GOFAL CYMDEITHASOL , CYMRU
Rheoliadau Cartrefi Plant (Cymru) (Diwygiadau Amrywiol) 2007
| |
Wedi'u gwneud |
6 Chwefror 2007 | |
| |
Yn dod i rym |
1 Gorffennaf 2007 | |
Mae Cynulliad Cenedlaethol Cymru drwy arfer y pwerau a roddwyd iddo gan adrannau 1(4), 12(2), 16(1), 22(1), (2)(a) i (d), (f) i (j), 5(a) ac (c), (7) (3), (4), (c), 118 (5) i (7) o Ddeddf Safonau Gofal 2000[1]ac wedi iddo ymgynghori â'r personau hynny y mae'n ystyried ei bod yn briodol ymgynghori â hwy, yn gwneud y Rheoliadau a ganlyn:
Enwi, cychwyn, dehongli a chymhwyso
1.
—(1) Enw'r Rheoliadau hyn yw Rheoliadau Cartrefi Plant (Cymru) (Diwygiadau Amrywiol) 2007 a deuant i rym ar 1 Gorffennaf 2007, ac eithrio rheoliad 2(12), a ddaw i rym ar 15 Chwefror 2007.
(2) Yn y Rheoliadau hyn ystyr "y Prif Reoliadau" ("the Principal Regulations") yw Rheoliadau Cartrefi Plant (Cymru) 2002[2]
(3) Mae'r Rheoliadau hyn yn gymwys o ran Cymru.
Diwygio'r Prif Reoliadau.
2.
—(1) Yn y rheoliad hwn, oni bai i'r cyd-destun fynnu fel arall, mae unrhyw gyfeiriad at reoliad â Rhif yn gyfeiriad at y rheoliad yn y Prif Reoliadau sy'n dwyn y Rhif hwnnw ac mae unrhyw gyfeiriad mewn rheoliad at baragraff â Rhif yn gyfeiriad at y paragraff yn y rheoliad hwnnw sy'n dwyn y Rhif hwnnw.
(2) Mae'r Prif Reoliadau wedi'u diwygio yn unol â darpariaethau canlynol y rheoliad hwn.
(3) Yn rheoliad 2 (Dehongli), mewnosoder y canlynol yn y lle priodol—
"
ystyr "cyflogai parhaol" ("permanent employee") yw person a gyflogir yn llawn amser neu'n rhan-amser gan y person cofrestredig, gan gynnwys personau a gyflogir ar gontract gwasanaeth am dymor penodedig am ddim llai na chyfnod o chwech mis."
“ystyr "cymhwyster perthnasol" ("relevant qualification") yw cymhwyster a gynhwysir mewn rhestr a gynhelir gan y Cynulliad Cenedlaethol at ddiben y Rheoliadau hyn;
"
ystyr "gweithiwr dolen gyswllt" ("link worker") yw aelod o staff cartref plant sy'n briodol o ran ei hynafedd a chanddo gyfrifoldeb penodol am ddiogelu a hybu lles plentyn unigol o ran iechyd ac addysg ac am gydgysylltu â darparwyr addysg a gofal iechyd ar ran y plentyn hwnnw;"
(4) Yn rheoliad 8 (Ffitrwydd y rheolwr) ar ôl paragraff (2) mewnosoder—
"
(2A). Yn ddarostyngedig i baragraff (2B) a (2C), mae cyfeiriad at gymwysterau a phrofiad ym mharagraff (2)(b)(i) yn cynnwys gofyniad bod rhaid iddo—
(a) ddal cymhwyster perthnasol; a
(b) fod wedi gweithio am ddim llai na phum mlynedd ym maes gofal preswyl i blant.
(2B). Pan fo rheolwr nad yw'n dal cymhwyster perthnasol wedi'i benodi i reoli plant cartref cyn 1 Gorffennaf 2007 ni fydd y person hwnnw heb oni bai fod yn ffit i reoli cartref plant ei fod yn enill y cymhwyster perthnasol , ddim hydrach na—
(a) , 1 Tachwedd 2007; neu
(b) unrhyw ddyddiad diweddarach y bydd y Cynulliad yn cytuno arno o dan amgylchiadau eithriadol;
(2C) Nid yw paragraff (2A)(b) yn gymwys o ran rheolwr a benodwyd cyn 1 Gorffennaf 2007.
(2Ch). Nid oes dim ym mharagraffau (2A) hyd at (2C) sy'n effeithio ar unrhyw ofyniad i reolwr feddu ar gymwysterau, medrau neu brofiad arall sy'n berthnasol i'r materion a nodir ym mharagraff (2)(b).
(2D). Ni fydd person yn ffit i reoli cartref plant os nad yw wedi'i gofrestru'n rheolwr gyda Chyngor Gofal Cymru heb fod yn hwyrach na —
(i) 1 Tachwedd 2007; neu
(ii) unrhyw ddyddiad diweddarach y bydd y Cynulliad yn cytuno arno o dan amgylchiadau eithriadol.".
(5) Yn rheoliad 11 (Hybu lles) ar ôl paragraff (2) mewnosoder—
"
(3) Wrth gydymffurfio â gofynion y rheoliad hwn a rheoliadau 18(1)(c) a 20(1), rhaid i'r person cofrestredig ddynodi aelod o staff i fod yn weithiwr dolen gyswllt ar gyfer pob plentyn."
(6) Yn rheoliad 12 (Cynllun lleoliad y plentyn), ym mharagraff (1)(b), ar ôl y geiriau "gofal iechyd ac addysg y plentyn", mewnosoder—
"
gan gynnwys enw a manylion cyswllt gweithiwr dolen gyswllt y plentyn."
(7) Yn rheoliad 18 (Addysg, cyflogaeth a gweithgareddau hamdden)—
(a) ar ôl is-baragraff (1)(b) dileer y gair "ac"; a
(b) ar ôl is-baragraff (1)(c), mewnosoder—
"
(ch) mae gweithiwr dolen gyswllt plentyn yn cymryd rhan mewn unrhyw adolygiad sy'n cynnwys ystyried cynnydd addysgol y plentyn, p'un a yw'r adolygiad yn cael ei gynnal o dan Reoliadau Adolygu Achosion Plant (Cymru) 2007[3] neu fel arall."
(8) Yn rheoliad 20 (Anghenion iechyd plant)—
(a) ar ddiwedd is-baragraff (2)(a), ar ôl y geiriau "ymarferydd cyffredinol" mewnosoder—
"
a'i fod wedi'i roi o dan ofal ymarferydd deintyddol cofrestredig." a
(b) ar ôl is-baragraff (2)(dd) mewnosoder—
"
(e) bod gweithiwr dolen gyswllt plentyn yn cymryd rhan mewn unrhyw adolygiad sy'n cynnwys ystyried unrhyw agwedd o iechyd plentyn, p'un a yw'r adolygiad hwnnw yn cael ei gynnal o dan Reoliadau Adolygu Achosion Plant (Cymru) 2007 neu fel arall."
(9) Yn rheoliad 25 (Staffio cartrefi plant)
(a) ar ôl paragraff (1) mewnosoder—
"
(1A) Wrth gydymffurfio â pharagraff (1) rhaid i'r person cofrestredig sicrhau nad oes, ar bob adeg ar ôl 1 Gorffennaf 2010, neu unrhyw ddyddiad diweddarach y bydd y Cynulliad yn cytuno arno o dan amgylchiadau eithriadol, dim llai na 80% o'r staff gofal yn y cartref plant yn dal cymhwyster perthnasol.";
(b) ar ôl paragraff (2) mewnosoder—
"
(2A). Wrth gydymffurfio â pharagraff (2) rhaid i'r person cofrestredig sicrhau nad oes ar unrhyw adeg ar ôl 1Mawrth 2008 neu unrhyw ddyddiad y bydd y Cynulliad yn cytuno arno o dan amgylchiadau eithriadol dim llai na 90% o'r staff gofal sy'n gweithio mewn cartref plant yn gyflogeion parhaol."
(10) Yn rheoliad 26 (Ffitrwydd gweithwyr), ar ôl paragraff (2), mewnosoder—
"
(2A) Yn ddarostyngedig i baragraff (2B) a (2C), o ran aelod o staff gofal cartref plant, mae cyfeiriad at gymwysterau a phrofiad ym mharagraff (2)(b) yn cynnwys gofyniad bod rhaid i berson ddal cymhwyster perthnasol.
(2B) Pan fo person nad yw'n dal cymhwyster perthnasol wedi cael ei benodi i weithio mewn cartref plant cyn 1 Gorffennaf 2007 ni fydd y person hwnnw yn ffit i weithio mewn cartref plant ori bai ei fod yn ennill, y cymhwyster perthnasol ddim hwyrach na—
(a) tair blynedd ar ôl 1 Gorffennaf 2007; neu
(b) unrhyw ddyddiad hwyrach y bydd y Cynulliad Cenedlaethol o dan amgylchiadau eithriadol yn cytuno arno.
(2C) Pan fo person nad yw'n dal cymhwyster perthnasol wedi'i benodi i weithio mewn cartref plant ar ôl 1 Gorffennaf 2007, nid yw'r person hwnnw heb fod yn ffit i weithio mewn cartref plant ori bai ei fod yn ennill cymhwyster perthnasol ddim hwyrach na—
(a) tair blynedd ar ôl y dyddiad cyntaf ar ôl 1 Gorffennaf 2007 pan benodwyd ef i weithio mewn cartref plant; neu
(b) erbyn unrhyw ddyddiad hwyrach y bydd y Cynulliad Cenedlaethol o dan amgylchiadau eithriadol yn cytuno arno.
(2Ch) Pan fo person sy'n ddarostyngedig i ofyniad i gael cymhwyster perthnasol cyn pen cyfnod o amser a bennir yn unol â pharagraff (2B) neu (2C) yn cael ei benodi yn ystod y cyfnod hwnnw i swydd wahanol ym maes gofal preswyl plant, gyda'r un cyflogwr neu gyda chyflogwr arall, nid yw'r cyfnod hwnnw o amser i'w newid oherwydd y rheswm hwnnw yn unig.
(2D) Nid oes dim ym mharagraffau (2A) hyd at (2C) sy'n effeithio ar unrhyw ofyniad i berson feddu ar gymwysterau, medrau neu brofiad arall sy'n berthnasol i'r materion a nodir ym mharagraff (2)(b) ac (c).
(2Dd) Nid yw person a benodwyd i weithio mewn cartref plant cyn 1 Gorffennaf 2007 yn ffit i weithio mewn cartref plant os nad yw yn cofrestru fel gweithiwr gofal cymdeithasol gyda Chyngor Gofal Cymru heb fod yn hwyrach na—
(a) 1 Mawrth 2008; neu
(b) unrhyw ddyddiad diweddarach y bydd y Cynulliad yn cytuno arno o dan amgylchiadau eithriadol .
(2E) Nid yw person a benodwyd i weithio mewn cartref plant ar ôl 1 Gorffennaf 2007 yn ffit i weithio mewn cartref plant os nad yw'n cofrestru fel gweithiwr gofal cymdeithasol gyda Chyngor Gofal Cymru heb fod yn hwyrach na—
(a) chwe mis ar ôl y dyddiad cyntaf ar ôl 1 Gorffennaf 2007 pan benodwyd ef i weithio mewn cartref plant; neu
(b) unrhyw ddyddiad diweddarach y bydd y Cynulliad yn cytuno arno o dan amgylchiadau eithriadol".
(11) Yn rheoliad 27 (Cyflogi staff), ar ôl paragraff (4) mewnosoder—
"
(4A). O dan y Rheoliadau hyn, pan fo ffitrwydd unrhyw berson a gyflogir gan y person cofrestredig yn dibynnu arno'n ennill cymhwyster perthnasol cyn pen amser penodedig, rhaid i'r person cofrestredig, i'r graddau y mae'n ymarferol, ei alluogi i ennill y cymhwyster cyn pen yr amser penodedig."
(12) Yn rheoliad 33[4] (Adolygiad o ansawdd gofal)—
(a) ym mharagraff (2)(c)(iv) yn lle'r geiriau "cartref gofal" rhodder y geiriau "cartref plant"; a
(b) ym mharagraff (4)(a) yn lle'r geiriau "defnyddwr gwasanaeth" rhodder y geiriau "plant sy'n cael eu lletya yn y cartref plant;".
(13) Yn Atodlen 2 (Yr wybodaeth y mae ei hangen mewn Perthynas a Phersonau sy'n Ceisio Rhedeg neu Reoli Cartref Plant neu Weithio Mewn Un), ar ol paragraff 5, mewnosoder—
"
5A
Tystiolaeth ddogfennol o gofrestru gyda Cyngor Gofal Cymru."
(14) Yn Atodlen 4 (Cofnodion eraill) ar ol paragraff 2 (e) mewnosoder.
Diwygiadau i Reoliadau Cofretru Gofal Cymdeithasol a Gofal Iechyd Annibynnol (Cymru) 2002
3.
—(1) Mae Rheoliadau Cofrestru Gofal Cymdeithasol a Gofal Iechyd Annibynnol (Cymru) 2002[5] wedi'u diwygio o ran cartrefi plant, yn unol â darpariaethau canlynol y rheoliad hwn.
(2) Yn Rhan III o Atodlen 1, ar ôl paragraff 16(e) mewnosoder—
"
(ea) where the establishment is a children's home, whether the person is registered with the Care Council for Wales and if so, details of their registration;"
(3) Yn Rhan 1 o Atodlen 3, ar ôl paragraff 2, mewnosoder—
"
2A
Where the establishment is a children's home, details of the applicant's registration with the Care Council for Wales."
Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998[6].
D. Elis-Thomas
Llywydd y Cynulliad Cenedlaethol.
6 Chwefror 2007
NODYN ESBONIADOL
(Nid yw'r nodyn hwn yn rhan o'r Rheoliadau)
Mae'r Rheoliadau hyn yn diwygio Rheoliadau Cartrefi Plant (Cymru) 2002. Mae'r Rheoliadau yn darparu ar gyfer lefelau gofynnol isaf o gymwysterau a phrofiad ar gyfer rheolwyr a staff cartrefi plant, dynodi aelod o staff cartref plant i ddiogelu a hybu lles pob plentyn a leolir yn y cartref o ran iechyd ac addysg, cofrestru staff a rheolwyr gyda Chyngor Gofal Cymru, y niferoedd gofynnol o staff parhaol, gofyniad i sicrhau bod plant yn cael mynd at ddeintydd, ac yn gwneud mân newidiadau eraill i'r Prif Reoliadau. Mae'r rheoliadau hefyd yn gwneud diwygiadau canlyniadol i Reoliadau Cofrestru Gofal Cymdeithasol a Gofal Iechyd Annibynnol (Cymru) 2002.
Notes:
[1]
2000 p.14.back
[2]
O.S. 2002/327 (Cy.40).back
[3]
2007 O.S. 2007/ (Cy. )back
[4]
2002 O.S. 2002/919 (Cy.107).back
[5]
Mewnosodwyd rheoliad 33 newydd i Reoliadau Cartrefi Plant (Cymru) 2002 O.S. 2002/327 (Cy.40) gan reoliad 3 o Ddeddf Safonau Gofal 2000 a Deddf Plant 1989 (Diwygio Rheoleiddol 9 Chwynion) (Cymru) 2006 O.S. 20006/3251 (Cy.295) a ddaeth rym ar 1 Ionawr 2007.back
[6]
1998 c.38.back
English version
ISBN
0 11 091502 X
| © Crown copyright 2007 |
Prepared
19 February 2007
|
BAILII:
Copyright Policy |
Disclaimers |
Privacy Policy |
Feedback |
Donate to BAILII
URL: http://www.bailii.org/wales/legis/num_reg/2007/20070311w.html
