[Home] [Databases] [World Law] [Multidatabase Search] [Help] [Feedback]
	Statutory Instruments made by the National Assembly for Wales
You are here: BAILII >> Databases >> Statutory Instruments made by the National Assembly for Wales >> Rheoliadau Deunyddiau ac Eitemau mewn Cysylltiad â Bwyd (Cymru) 2007 Rhif 3252 (Cy.287) URL: http://www.bailii.org/wales/legis/num_reg/2007/20073252w.html

[New search] [Help]

Dehongli
     2. —(1) Yn y Rheoliadau hyn —

ystyr "y Ddeddf" ("the Act") yw Deddf Diogelwch Bwyd 1990;

ystyr "Rheoliadau 2006" ("the 2006 Regulations") yw Rheoliadau Deunyddiau ac Eitemau Plastig mewn Cysylltiad â Bwyd (Cymru) 2006[4];

ystyr "Cyfarwyddeb 2002/72/EC" ("Directive 2002/72/EC") yw Cyfarwyddeb y Comisiwn 2002/72/EC sy'n ymwneud â deunyddiau ac eitemau plastig y bwriedir iddynt ddod i gysylltiad â bwydydd[5];

ystyr "Cyfarwyddeb 2007/42/EC" ("Directive 2007/42/EC") yw Cyfarwyddeb y Comisiwn 2007/42/EC, sy'n ymwneud â deunyddiau ac eitemau sydd wedi eu gwneud o gaen cellwlos atgynyrchiedig ac y bwriedir iddynt ddod i gysylltiad â bwydydd[6];

ystyr "Rheoliad 1935/2004" ("Regulation 1935/2004") yw Rheoliad (EC) Rhif 1935/2004 Senedd Ewrop a'r Cyngor, sy'n ymwneud â deunyddiau ac eitemau y bwriedir iddynt ddod i gysylltiad â bwyd, ac sy'n diddymu Cyfarwyddebau 80/590/EEC ac 89/109/EEC[7];

ystyr "Rheoliad 2023/2006" ("Regulation 2023/2006") yw Rheoliad y Comisiwn (EC) Rhif 2023/2006, sy'n ymwneud ag arfer gweithgynhyrchu da ar gyfer deunyddiau ac eitemau y bwriedir iddynt ddod i gysylltiad â bwyd[8];

mae i "awdurdod bwyd" ("food authority") yr un ystyr â "food authority" yn adran 5(1A) o'r Ddeddf, ond nid yw'n cynnwys awdurdodau iechyd porthladd;

ystyr "awdurdod iechyd porthladd" ("port health authority"), mewn perthynas ag unrhyw ardal iechyd porthladd a sefydlwyd drwy orchymyn o dan adran 2(3) o Ddeddf Iechyd Cyhoeddus (Rheoli Afiechydon) 1984, yw awdurdod iechyd porthladd ar gyfer y cylch hwnnw a sefydlwyd drwy orchymyn o dan adran 2(4) o'r Ddeddf honno;

ystyr "caen cellwlos atgynyrchiedig" ("regenerated cellulose film") yw deunydd ar ffurf dalen denau a geir o gellwlos puredig sydd wedi ei ddeillio o bren neu gotwm nas ailgylchwyd, gan neu heb ychwanegu sylweddau addas, naill ai mewn crynswth neu ar un neu'r ddau o'r wynebau; ond nid yw'n cynnwys casinau synthetig sydd wedi eu gwneud o gellwlos atgynyrchiedig;

mae "gwerthu" ("sell") yn cynnwys cynnig neu roi nwydd ar ddangos i'w werthu, neu fod mewn meddiant arno er mwyn ei werthu, a dylid dehongli "gwerthiant" a "gwerthwyd" yn unol â hynny.

ystyr "mewnforio" ("import") yw mewnforio, yn ystod busnes, o rywle heblaw Aelod-wladwriaeth ;

mae "paratoad" ("preparation") yn cynnwys gweithgynhyrchu ac unrhyw ffurf ar driniaeth neu broses, a dylid dehongli "paratoi" ("prepare") yn unol â hynny;

ystyr "plastigion" ("plastics") yw'r deunyddiau ac eitemau hynny y mae Cyfarwyddeb 2002/72/EC yn gymwys iddynt;

ystyr "swyddog awdurdodedig" ("authorised officer") yw unrhyw berson (boed yn un o swyddogion yr awdurdod sydd â chyfrifoldeb am weithredu a gorfodi o dan reoliad 14, ai peidio) sydd wedi ei awdurdodi'n ysgrifenedig gan yr awdurdod hwnnw i weithredu mewn materion sydd yn codi o dan y Rheoliadau hyn;

    (2) Ac eithrio yn rheoliadau 5 a 7, mae unrhyw gyfeiriad yn y Rheoliadau hyn at Erthygl rifedig yn gyfeiriad at yr Erthygl sydd yn dwyn y rhif hwnnw yn Rheoliad 1935/2004.

    (3) Mae i ymadroddion a ddefnyddir yn y Rheoliadau hyn ac yn Rheoliad 1935/2004 neu Reoliad 2023/2006 yr un ystyron yn y Rheoliadau hyn ag sydd iddynt yn y Rheoliadau hynny.

    (4) Mae unrhyw gyfeiriad at Reoliad 2023/2006 neu at Atodiad i Gyfarwyddeb 2002/72/EC neu i Gyfarwyddeb 2007/42/EC yn gyfeiriad at y Rheoliad hwnnw neu'r Atodiad hwnnw fel y caiff ei ddiwygio o bryd i'w gilydd.

Cwmpas
     3. Nid yw darpariaethau'r Rheoliadau hyn yn gymwys i'r deunyddiau a'r eitemau hynny sydd wedi eu nodi yn is-baragraffau (a), (b) ac (c) o Erthygl 1(3).

Gorfodi Rheoliad 2023/2006
     5. Mae unrhyw berson sydd yn methu â chydymffurfio â gofynion Erthygl 4 (cydymffurfiad ag arfer gweithgynhyrchu da) o Reoliad 2023/2006 yn euog o drosedd.

Awdurdodau cymwys at ddibenion Rheoliad 1935/2004
     6. Y cyrff canlynol sydd wedi eu dynodi'n awdurdodau cymwys at ddibenion darpariaethau Rheoliad 1935/2004, fel y nodir isod —

(a) mewn cysylltiad ag Erthyglau 9 a 13, yr Asiantaeth Safonau Bwyd;

(b) mewn cysylltiad ag Erthyglau 16(1) a 17(2), yr Asiantaeth Safonau Bwyd a'r awdurdod sydd â chyfrifoldeb am orfodi yn unol â rheoliad 14(1).

Awdurdod cymwys at ddibenion Rheoliad 2023/2006
     7. Yr awdurdod cymwys at ddibenion Erthygl 6(2) a 7(3) o Reoliad 2023/2006 yw pob awdurdod bwyd oddi mewn i'w ardal.

unrhyw ddeunydd neu eitem o'r fath nad yw'n cydymffurfio â pharagraff (1).

Dulliau Dadansoddi
     9. —(1) Y dull a ddefnyddir wrth ddadansoddi unrhyw sampl i bwrpas canfod faint o fonomer finyl clorid sydd yn bresennol yn y deunydd neu eitem, er mwyn dyfarnu a yw'n cydymffurfio â rheoliad 8(1)(a), yw'r dull a nodir yn yr Atodiad i Gyfarwyddeb y Comisiwn 80/766/EEC (sydd yn pennu dull y Gymuned o ddadansoddi er mwyn rheoli'n swyddogol lefel y monomer finyl clorid mewn deunyddiau ac eitemau y bwriedir iddynt ddod i gysylltiad â bwydydd)[9].

    (2) Y dull a ddefnyddir wrth ddadansoddi unrhyw fwyd i bwrpas canfod faint o finyl clorid sydd yn bresennol yn y bwyd, er mwyn dyfarnu a yw deunydd neu eitem sydd mewn cysylltiad â'r bwyd, neu sydd wedi bod mewn cysylltiad â'r bwyd, yn cydymffurfio â rheoliad 8(1)(b), yw'r dull a nodir yn yr Atodiad i Gyfarwyddeb y Comisiwn 81/432/EEC (sydd yn pennu dull y Gymuned o ddadansoddi er mwyn rheoli'n swyddogol y finyl clorid a ryddheir i fwydydd gan ddeunyddiau ac eitemau)[10].

    (8) Yn ystod unrhyw gam marchnata heblaw'r cam adwerthu, rhaid i unrhyw ddeunydd neu eitem sydd wedi ei wneud o gaen cellwlos atgynyrchiedig, oni bai ei fod wedi ei fwriadu o ran natur i ddod i gysylltiad â bwyd, ddod gyda datganiad ysgrifenedig sydd yn ardystio ei fod yn cydymffurfio â'r ddeddfwriaeth sy'n berthnasol iddo.

Terfynau ymfudo ar gyfer caen cellwlos atgynyrchiedig wedi ei araenu â phlastigion
     11. —(1) Yn ddarostyngedig i baragraff (2), ni chaiff unrhyw berson weithgynhyrchu neu fewnforio unrhyw ddeunydd neu eitem sydd wedi ei wneud â chaen cellwlos atgynyrchiedig wedi ei araenu â phlastigion ac —

(a) y bwriedir iddo ddod i gysylltiad â bwyd; a

(b) y gellir trosglwyddo'i gyfansoddion i fwyd mewn meintiau sydd yn fwy na therfyn ymfudo o 10 miligram y decimetr sgwâr o wyneb y deunydd neu'r eitem sydd mewn cysylltiad â bwyd.

    (2) Yn achos unrhyw ddeunydd neu eitem sydd wedi ei wneud â chaen cellwlos atgynyrchiedig wedi ei araenu â phlastigion ac—

(a) sydd yn gynhwysydd, neu'n debyg i gynhwysydd, neu y gellir ei lenwi i gynhwysedd o ddim llai na 500 mililitr a dim mwy na 10 litr; neu

(b) y gellir ei lenwi, ac nad oes modd ymarferol i amcangyfrif maint yr arwynebedd arno sydd mewn cysylltiad â bwyd; neu

(c) sydd yn gap, yn gasged, yn gaead neu'n ddyfais gyffelyb ar gyfer selio,

mae'r terfyn ymfudo cyflawn i fod yn drosglwyddiad o 60 miligram o gyfansoddion fesul cilogram o fwyd.

    (3) Ni chaiff unrhyw berson weithgynhyrchu neu fewnforio unrhyw ddeunydd neu eitem wedi ei wneud â chaen cellwlos atgynyrchiedig sydd wedi ei araenu â phlastigion a weithgynhyrchwyd gydag unrhyw sylwedd a restrir yn Adran A neu B o Atodiad II i Gyfarwyddeb 2002/72/EC (monomerau a awdurdodir, a sylweddau cychwyn eraill) —

(a) y bwriedir iddo ddod i gysylltiad â bwyd; a

(b) y gellir trosglwyddo ei gyfansoddion i fwyd mewn meintiau sy'n fwy na'r terfynau ymfudo penodol a restrir yng ngholofn 4 o'r Adrannau hynny, fel y'i darllenir gyda'r cyflwyniad cyffredinol i'r Atodiad hwnnw.

    (4) Pan fo'r terfyn ymfudo ar gyfer sylwedd a grybwyllir ym mharagraff (3) yn cael ei fynegi mewn miligramau fesul cilogram, yn achos caen cellwlos atgynyrchiedig wedi ei araenu â phlastig —

(a) sydd yn gynhwysydd, neu'n debyg i gynhwysydd, neu y gellir ei lenwi i gynhwysedd o ddim llai na 500 mililitr a dim mwy na 10 litr; neu

(b) nad oes modd ei lenwi, neu nad oes modd ymarferol i amcangyfrif y berthynas rhwng arwynebedd y caen a maint y bwyd sydd mewn cysylltiad ag ef,

mae'r terfyn ymfudo i gael ei rannu â'r ffactor trawsnewid o 6 er mwyn ei fynegi mewn miligramau o gyfansoddion a drosglwyddir fesul decimetr sgwâr o'r deunydd neu'r eitem sydd mewn cysylltiad â bwyd.

    (5) Yn ddarostyngedig i baragraff (6), mae'r gwiriad o gydymffurfiad â therfynau ymfudo i'w gynnal yn unol â darpariaethau Atodlenni 2 a 3 i Reoliadau 2006, fel y'i darllenir gyda rheoliad 11 o'r Rheoliadau hynny; ac at ddibenion y paragraff hwn, mae unrhyw gyfeiriad yn y darpariaethau hynny at ddeunydd neu eitem blastig i gael ei ddehongli fel cyfeiriad at gaen cellwlos atgynyrchiedig wedi ei araenu â phlastig.

    (6) Nid yw Paragraff (5) yn gymwys dan unrhyw amgylchiadau y mae rheoliad 9(1) neu (2) yn gymwys iddynt.

Darpariaethau arbediad a throsiannol ac amddiffyniadau
     12. —(1) Er gwaethaf dirymiad Rheoliadau Deunyddiau ac Eitemau mewn Cysylltiad â Bwyd 1987[11], o ran caen cellwlos atgynyrchiedig a weithgynhyrchwyd cyn 29ain Ebrill 1994, mae'r amddiffyniadau yn rheoliad 6A o'r Rheoliadau hynny'n gymwys o ran troseddau o dan y Rheoliadau hyn yn yr un modd ag yr oeddynt yn gymwys i droseddau o dan y darpariaethau cyfwerth yn y Rheoliadau hynny.

    (2) Mewn unrhyw achos cyfreithiol ynglyn â throsedd o dorri rheoliad 10(3), (4), (6) neu (7), neu reoliad 11(1) neu (3), mae'n amddiffyniad i brofi —

(a) bod y weithred a oedd yn drosedd wedi ei chyflawni mewn perthynas â deunydd neu eitem a wnaed o gaen cellwlos atgynyrchiedig a oedd wedi ei weithgynhyrchu neu ei fewnforio i'r Gymuned Ewropeaidd cyn 29ain Ionawr 2006; a

(b) na fuasai'r weithred a oedd yn drosedd wedi bod yn drosedd o dan Reoliadau Deunyddiau ac Eitemau mewn Cysylltiad â Bwyd 1987 yn union cyn i Reoliadau Deunyddiau ac Eitemau mewn Cysylltiad â Bwyd (Cymru) 2005 ddod i rym[12].

    (3) Ni ddylid dehongli unrhyw beth ym mharagraff (1)(b) fel gofyniad ar unrhyw berson i ateb unrhyw gwestiwn neu roi unrhyw wybodaeth os gallai ei hunan-argyhuddo drwy wneud hynny.

Gorfodi
     14. —(1) Bydd pob awdurdod bwyd oddi mewn i'w ardal, a phob awdurdod iechyd porthladd oddi mewn i'w gylch, yn gweithredu ac yn gorfodi —

(a) darpariaethau Rheoliad 1935/2004 a grybwyllir yn rheoliad 4, a

(b) yn ddarostyngedig i baragraff (3), y Rheoliadau hyn.

    (2) Caiff yr Asiantaeth Safonau Bwyd weithredu a gorfodi, yn ogystal, ddarpariaethau Erthyglau 16(1) a 17(2).

    (3) Bydd pob awdurdod bwyd, oddi mewn i'w ardal, yn gweithredu ac yn gorfodi darpariaethau Rheoliad 2023/2006 a grybwyllir yn rheoliad 5.

Troseddau gan gyrff corfforaethol neu bartneriaethau Albanaidd
     15. —(1) Pan brofir bod trosedd o dan y Rheoliadau hyn, a gyflawnwyd gan gorff corfforaethol, wedi ei chyflawni gyda chydsyniad neu gydgynllwyn unrhyw un o'r canlynol, neu ei bod i'w phriodoli i unrhyw esgeulustod ar ran unrhyw un o'r canlynol, sef —

(a) unrhyw gyfarwyddwr, rheolwr, ysgrifennydd neu swyddog cyffelyb arall o'r corff corfforaethol, neu

(b) unrhyw berson a oedd yn honni ei fod yn gweithredu mewn cymhwyster o'r fath,

ystyrir bod y person hwnnw yn ogystal â'r corff corfforaethol yn euog o'r drosedd honno ac yn agored i fod yn destun achos cyfreithiol ac i gael ei gosbi yn unol â hynny.

    (2) Pan brofir bod trosedd o dan y Rheoliadau hyn, a gyflawnwyd gan bartneriaeth Albanaidd, wedi ei chyflawni gyda chydsyniad neu gydgynllwyn partner, neu ei bod i'w phriodoli i unrhyw esgeulustod ar ran partner, ystyrir bod y person hwnnw yn ogystal â'r bartneriaeth yn euog o'r drosedd honno ac yn agored i fod yn destun achos cyfreithiol ac i gael ei gosbi yn unol â hynny.

Troseddau oherwydd gweithred neu ddiffyg trydydd parti
     16. Pan fo unrhyw berson yn cyflawni trosedd o dan y Rheoliadau hyn oherwydd gweithred neu ddiffyg rhyw berson arall, y person arall hwnnw sydd yn euog o'r drosedd; a gellir cyhuddo person o'r drosedd, a'i gael yn euog ohoni, p'un ai a ddygir achos cyfreithiol ai peidio yn erbyn y person a grybwyllwyd gyntaf.

Terfyn amser ar gyfer erlyniadau
     17. Ni cheir cychwyn erlyniad am drosedd o dan y Rheoliadau hyn wedi i dair blynedd ers dyddiad cyflawni'r drosedd ddod i ben, neu wedi i un flwyddyn ddod i ben ers i'r erlynydd ddarganfod y drosedd, pa un bynnag fo'r cynharaf.

Amddiffyniadau cyffredinol
     18. —(1) Mewn unrhyw achos cyfreithiol am drosedd o dan y Rheoliadau hyn, mae'n amddiffyniad, yn ddarostyngedig i baragraff (5), i'r sawl a gyhuddir brofi ei fod ef neu hi wedi gweithredu pob rhagofal rhesymol ac wedi ymarfer pob diwydrwydd dyladwy er mwyn osgoi cyflawniad y drosedd ganddo ef neu hi neu gan berson a oedd dan eu rheolaeth.

    (2) Heb iddo leihau effaith trwch paragraff (1), dylid ystyried bod person a gyhuddir o drosedd o dan reoliad 4 neu 13(1)(a) ac na wnaeth —

(a) paratoi'r deunydd neu eitem yr honnir i'r drosedd gael ei chyflawni mewn cysylltiad ag ef; ac na wnaeth ychwaith

(b) mewnforio'r deunydd neu eitem dan sylw i'r Deyrnas Unedig,

wedi sefydlu'r amddiffyniad a ddarperir gan baragraff (1) os yw'r person hwnnw'n bodloni gofynion paragraffau (3) a (4).

    (3) Mae person yn bodloni gofynion y paragraff hwn os yw'r person hwnnw'n profi —

(a) bod y drosedd wedi ei chyflawni oherwydd gweithred neu ddiffyg rhyw berson arall nad oedd dan ei reolaeth ef neu hi, neu oherwydd dibynnu ar wybodaeth a ddarparwyd gan berson o'r fath;

(b) naill ai —


(i) bod ef neu hi wedi cyflawni pob gwiriad, ar y deunydd neu eitem dan sylw, a oedd yn rhesymol o dan yr holl amgylchiadau, neu

(ii) ei bod yn rhesymol o dan yr holl amgylchiadau i'r person hwnnw ddibynnu ar wiriadau a oedd wedi eu cyflawni gan y sawl a ddarparodd y deunydd neu eitem honno ar ei gyfer ef neu hi; a



(c) nad oedd ef neu hi'n gwybod, ac nad oedd ganddo neu ganddi reswm i amau adeg cyflawniad y drosedd, y byddai ei weithred neu anweithred ef neu hi yn gyfystyr â throsedd o dan y Rheoliadau hyn.

    (4) Mae person yn bodloni gofynion y paragraff hwn os yw'r drosedd yn drosedd gwerthiant ac mae ef neu hi yn profi —

(a) bod y drosedd wedi ei chyflawni oherwydd gweithred neu ddiffyg rhyw berson arall nad oedd dan ei reolaeth ef neu hi , neu oherwydd dibynnu ar wybodaeth a ddarparwyd gan berson o'r fath;

(b) nad oedd y gwerthiant a oedd yn sylwedd y drosedd yn werthiant o dan ei enw neu farc ef neu hi; ac

(c) nad oedd ef neu hi'n gwybod, ac na ellid disgwyl yn rhesymol iddo neu iddi wybod adeg cyflawniad y drosedd, y byddai ei weithred neu anweithred ef neu hi yn gyfystyr â throsedd o dan y Rheoliadau hyn.

    (5) Os digwydd, mewn unrhyw achos cyfreithiol, fod yr amddiffyniad a ddarperir gan y rheoliad hwn yn golygu honni bod y drosedd wedi ei chyflawni oherwydd gweithred neu ddiffyg person arall, neu oherwydd dibynnu ar wybodaeth a ddarparwyd gan berson arall, ni fydd gan y sawl a gyhuddir yr hawl i ddibynnu ar yr amddiffyniad hwnnw, heb ganiatâd y llys, oni bai bod ef neu hi —

(a) o leiaf saith niwrnod clir cyn y gwrandawiad; a

(b) pan fo ef neu hi wedi ymddangos yn flaenorol gerbron y llys mewn cysylltiad â'r drosedd honedig, o fewn un mis i'w ymddangosiad cyntaf ef neu hi,

wedi cyflwyno i'r erlynydd hysbysiad ysgrifenedig a oedd yn rhoi pa bynnag wybodaeth a oedd yn ei feddiant ef neu hi ar y pryd ac a oedd yn enwi'r person arall hwnnw neu'n cynorthwyo i'w adnabod.

Y weithdrefn pan fo sampl i gael ei dadansoddi
     19. —(1) Mae swyddog awdurdodedig sydd wedi cael sampl o dan adran 29 o'r Ddeddf, ac sydd o'r farn y dylid ei dadansoddi, i rannu'r sampl yn dair rhan.

    (2) Os yw'r sampl yn cynnwys cynwysyddion seliedig, a phe bai eu hagor yn rhwystro dadansoddiad cywir ym marn y swyddog awdurdodedig, mae'r swyddog awdurdodedig i rannu'r sampl yn rhannau drwy roi'r cynwysyddion mewn tair cyfran, ac mae pob cyfran i'w thrin fel pe bai'n rhan.

    (3) Bydd y swyddog awdurdodedig —

(a) yn gosod pob rhan mewn cynhwysydd addas ac yn ei selio os bydd angen;

(b) yn marcio pob rhan neu gynhwysydd;

(c) cyn gynted ag y bo'n rhesymol ymarferol — yn rhoi un rhan i'r perchennog, a'i hysbysu ar bapur y bydd y sampl yn cael ei dadansoddi;

(ch) yn cyflwyno un rhan i'w dadansoddi yn unol ag adran 30 o'r Ddeddf; a

(d) yn cadw un rhan er mwyn ei chyflwyno yn y dyfodol o dan reoliad 20.

Dadansoddiad eilaidd gan Gemegydd y Llywodraeth
     20. —(1) Pa fo sampl wedi ei chadw o dan reoliad 19 ac —

(a) pan fwriedir cychwyn achos cyfreithiol yn erbyn person am drosedd o dan y Rheoliadau hyn, neu pan fo achos o'r fath wedi ei gychwyn; a

(b) mae'r erlyniad yn bwriadu dyfynnu fel tystiolaeth ganlyniad y dadansoddiad a grybwyllir uchod,

mae paragraffau (2) i (7) yn gymwys.

    (2) Bydd y swyddog awdurdodedig —

(a) yn gallu gweithredu fel a ganlyn, o'i wirfodd ef neu hi ei hun; neu

(b) yn gweithredu fel gan ganlyn —


(i) os bydd yr erlynydd (a bwrw bod hwnnw'n rhywun heblaw'r swyddog awdurdodedig) yn gwneud cais i'r perwyl hwnnw;

(ii) os bydd y llys yn gwneud gorchymyn i'r perwyl hwnnw; neu

(iii) (yn ddarostyngedig i baragraff (6)) os bydd y diffynnydd yn gwneud cais i'r perwyl hwnnw,



sef anfon y rhan argadwedig o'r sampl at Gemegydd y Llywodraeth i'w dadansoddi.

    (3) Bydd Cemegydd y Llywodraeth yn dadansoddi'r rhan a anfonwyd ato ef neu hi o dan baragraff (2), ac yn anfon at y swyddog awdurdodedig dystysgrif sy'n nodi canlyniadau'r dadansoddiad.

    (4) Bydd unrhyw dystysgrif o ganlyniadau'r dadansoddiad sy'n cael ei throsglwyddo gan Gemegydd y Llywodraeth yn cael ei llofnodi ganddo ef neu hi neu ar ei ran, ond gall unrhyw berson gynnal y dadansoddiad dan gyfarwyddyd y sawl sy'n llofnodi'r dystysgrif.

    (5) Bydd y swyddog awdurdodedig, yn syth ar ôl ei derbyn, yn darparu copi o dystysgrif Cemegydd y Llywodraeth o'r dadansoddiad ar gyfer yr erlynydd (os yw hwnnw'n rhywun heblaw'r swyddog awdurdodedig) a'r diffynnydd.

    (6) Pan fo cais yn cael ei wneud o dan baragraff (2)(b)(iii), caiff y swyddog awdurdodedig gyflwyno hysbysiad ysgrifenedig i'r diffynnydd yn gofyn am daliad o ffi sydd wedi ei nodi yn yr hysbysiad ar gyfer talu rhai neu'r cyfan o gostau Cemegydd y Llywodraeth am gyflawni'r swyddogaethau o dan baragraff (3); ac yn absenoldeb cytundeb gan y diffynnydd i dalu'r ffi a nodir yn yr hysbysiad, caiff y swyddog awdurdodedig wrthod cydymffurfio â'r cais.

    (7) Yn y rheoliad hwn, mae "diffynnydd" yn cynnwys darpar-ddiffynnydd.

Gweithredu amryfal ddarpariaethau o'r Ddeddf
     21. —(1) Mae'r darpariaethau canlynol o'r Ddeddf yn gymwys at ddibenion y Rheoliadau hyn, gyda'r newidiad bod unrhyw gyfeiriad yn y darpariaethau hynny at y Ddeddf neu at Ran ohoni i'w dehongli fel cyfeiriad at y Rheoliadau hyn —

(a) adran 2 (yn ymestyn ystyr "sale" etc);

(b) adran 30(8) (sydd yn ymwneud â thystiolaeth ddogfennol).

    (2) Wrth weithredu adran 32 o'r Ddeddf (hawliau mynediad) at ddibenion y Rheoliadau hyn, mae'r cyfeiriad at y Ddeddf yn is-adran (1) yn cael ei ddehongli fel un sy'n cynnwys cyfeiriad at Reoliad 1935/2004 neu, fel y bo'n briodol, at Reoliad 2023/2006.

    (3) Mae'r darpariaethau canlynol o'r Ddeddf yn gymwys at ddibenion y Rheoliadau hyn gyda'r newidiad bod unrhyw gyfeiriad yn y darpariaethau hynny at y Ddeddf yn cael ei ddehongli fel un sy'n cynnwys cyfeiriad at Reoliad 1935/2004 neu, fel y bo'n briodol, at Reoliad 2023/2006, ac at y Rheoliadau hyn —

(a) adran 3 (rhagdybiaethau bod bwyd wedi ei fwriadu i'w fwyta gan bobl) gyda'r newidiadau bod y cyfeiriadau at "sold" a "sale" yn cael eu hystyried yn rhai sy'n cynnwys cyfeiriadau at "placed on the market" a "placing on the market" yn ôl eu trefn;

(b) adran 44 (amddiffyn swyddogion sy'n gweithredu'n ddidwyll).

Diwygio Rheoliadau Eitemau Ceramig mewn Cyffyrddiad â Bwyd (Cymru) 2006
     22. —(1) Diwygir Rheoliadau Eitemau Ceramig mewn Cyffyrddiad â Bwyd (Cymru) 2006[13] yn unol â pharagraff (2).

    (2) Yn Atodlen 3 (datganiad o gydymffurfiad), rhodder y canlynol yn lle is-baragraff (5) o baragraff 1 —

    " (5) cadarnhad bod yr eitem geramig neu'r eitemau ceramig yn bodloni'r gofynion perthnasol —


(a) yn y Rheoliadau hyn; neu

(b)


(i) yng Nghyfarwyddeb y Cyngor 84/500/EEC ar gyd-ddynesu cyfreithiau'r Aelod-wladwriaethau o ran eitemau ceramig y bwriedir iddynt ddod i gyffyrddiad â bwydydd[14] fel y cafodd ei ddiwygio gan Gyfarwyddeb y Comisiwn 2005/31/EC[15]; a

(ii) yn Rheoliad (EC) Rhif 1935/2004 Senedd Ewrop a'r Cyngor sydd yn ymwneud â deunyddiau ac eitemau y bwriedir iddynt ddod i gyffyrddiad â bwyd, ac sy'n diddymu Cyfarwyddebau 80/590/EEC ac 89/109/EEC[16].".

Diwygio Rheoliadau Diogelwch Bwyd (Samplu a Chymwysterau) 1990
     23. Yn Rheoliadau Diogelwch Bwyd (Samplu a Chymwysterau) 1990[17], yn Atodlen 1 (darpariaethau nad yw'r Rheoliadau hynny'n gymwys iddynt), rhodder enw a chyfeirnod y Rheoliadau hyn yn lle enw a chyfeirnod Rheoliadau Deunyddiau ac Eitemau mewn Cysylltiad â Bwyd 1987.

Gwelliannau ôl-ddilynol i Reoliadau 2006
     24. —(1) Diwygir Rheoliadau 2006 yn unol â pharagraffau (2) a (3).

    (2) Ym mharagraff (1) o reoliad 2 (dehongli) hepgorer y diffiniad o "Rheoliadau 2005".

    (3) Ym mharagraff (1)(b) o reoliad 11 (dull o brofi gallu deunyddiau neu eitemau plastig i drosglwyddo cyfansoddion, a dulliau dadansoddi), rhodder "rheoliad 9(2) o Reoliadau Deunyddiau ac Eitemau Plastig mewn Cysylltiad â Bwyd (Cymru) 2007" yn lle'r ymadrodd "rheoliad 7(2) o Reoliadau 2005”[18]".

Dirymiadau
     25. Dirymir y Rheoliadau canlynol neu rannau ohonynt —

(a) Rheoliadau Deunyddiau ac Eitemau mewn Cysylltiad â Bwyd (Cymru) 2005;

(b) Rheoliad 24 o Reoliadau 2006.

G. Thomas
O dan awdurdod y Gweinidog dros Iechyd a Gwasanaethau Cymdeithasol, un o Weinidogion Cymru

13 Tachwedd 2007

     9. Mae Rheoliad 11 yn cymhwyso, i RCF sydd wedi ei araenu â phlastig, y rheolaethau presennol (sydd yn deillio o Gyfarwyddeb y Comisiwn 2002/72/EC) ynglyn ag ymfudiad cyfansoddion deunyddiau ac eitemau plastig i fwyd, yn neilltuol drwy —

(a) pennu terfynau ymfudo cyffredinol ar gyfer RCF sydd wedi ei araenu â phlastig (paragraffau (1) a (2));

(b) cymhwyso i RCF sydd wedi ei araenu â phlastig y terfynau ymfudo penodol sydd yn gymwys i rai sylweddau sy'n cael eu defnyddio wrth weithgynhyrchu deunyddiau ac eitemau plastig (paragraffau (3) a (4)); ac

(c) cymhwyso'r dulliau a'r gweithdrefnau rhagnodedig ar gyfer gwirio cydymffurfiad â therfynau ymfudo (paragraffau (5) a (6)).

     10. Mae Rheoliad 12 yn cynnwys darpariaethau arbediadau a darpariaethau trosiannol sydd —

(a) yn cadw'r amddiffyniadau sydd ar gael o dan Reoliadau 1987 ar gyfer unrhyw RCF a gafodd ei weithgynhyrchu cyn 29ain Ebrill 1994 ac sy'n dal mewn cylchrediad; a

(b) yn creu amddiffyniad mewn perthynas ag RCF a gafodd ei weithgynhyrchu yn y Gymuned Ewropeaidd, neu ei fewnforio iddi, cyn 29ain Ionawr 2006.

     11. Mae rhan 5 o'r Rheoliadau hyn yn cynnwys darpariaethau gweinyddol cyffredinol a darpariaethau gorfodi sydd —

(a) yn pennu cosb am dorri'r Rheoliadau hyn neu am beri rhwystr i rai sydd yn eu gorfodi (rheoliad 13);

(b) yn dynodi awdurdodau gorfodi ar gyfer gwahanol swyddogaethau o dan y Rheoliadau (rheoliad 14);

(c) yn darparu bod modd i unigolion sy'n gyfrifol am weithredoedd corff corfforaethol neu bartneriaeth Albanaidd gael eu herlyn ar y cyd am droseddau sydd wedi eu cyflawni gan y corff neu bartneriaeth hwnnw (rheoliad 15);

(ch) yn darparu ar gyfer erlyn person sydd yn peri i drosedd gael ei chyflawni gan berson arall, boed achos cyfreithiol yn cael ei ddwyn yn erbyn y troseddwr gwreiddiol ai peidio (rheoliad 16);

(d) pennu terfyn amser ar gyfer cychwyn erlyniad (rheoliad 17);

(dd) darparu ar gyfer amddiffyniad o ddiwydrwydd dyladwy yn erbyn cyhuddiad o drosedd o dan y Rheoliadau hyn (rheoliad 18);

(e) pennu'r weithdrefn sydd i'w dilyn wrth anfon sampl i'w dadansoddi (rheoliad 19);

(f) darparu ar gyfer dadansoddiad o sampl gyfeiriol gan Labordy Cemegydd y Llywodraeth rheoliad 20); ac

(ff) cymhwyso rhai o ddarpariaethau Deddf Diogelwch Bwyd 1990 (rheoliad 21).

     12. Yn Rhan 5 mae'r Rheoliadau hyn hefyd —

(a) yn diwygio Atodlen 3 i Reoliadau Eitemau Ceramig mewn Cyffyrddiad â Bwyd (Cymru) 2006 (O.S. 2006/1704 (Cy.166)) (rheoliad 22);

(b) yn gwneud gwelliannau ôl-ddilynol i Reoliadau Deunyddiau ac Eitemau Plastig mewn Cysylltiad â Bwyd (Cymru ) 2006 (O.S. 2006/2982 (Cy.273)) ac i Reoliadau Diogelwch Bwyd (Samplu a Chymwysterau) 1990 (O.S. 1990/2463) (rheoliadau 23 a 24); ac

(c) yn dirymu Rheoliadau Deunyddiau ac Eitemau mewn Cysylltiad â Bwyd (Cymru) 2005 a deddfwriaeth ddiwygio ddilynol (rheoliad 25).

     13. Mae asesiad effaith reoleiddiol cyflawn o'r effaith y bydd yr offeryn hwn yn ei chael ar gostau busnes ar gael gan yr Asiantaeth Safonau Bwyd, 11eg Llawr, Southgate House, Caerdydd CF10 1EW

[2] 1972 p.68. Cafodd paragraff 1A o Atodlen 2 ei fewnosod gan adran 28 o Ddeddf Diwygio Deddfwriaethol a Rheoleiddiol 2006 (2006 p.51).back

[3] OJ Rhif L31, 1.2.2002, t.1. Cafodd y Rheoliad hwnnw ei ddiwygio ddiwethaf gan Reoliad y Comisiwn (EC) Rhif 575/2006 (OJ Rhif L100, 8.4.2006, t.3).back

[4] O.S. 2006/2982 (Cy.273).back

[5] OJ Rhif L220, 15.8.2002, t.18. Cafodd y Gyfarwyddeb hon ei chywiro gan gywiriad (OJ Rhif L39, 13.2.2003, t.1), a chafodd ei diwygio ar y dyddiad y gwnaed y Rheoliadau hyn gan Gyfarwyddebau'r Comisiwn 2004/1/EC (OJ Rhif L7, 13.1.2004, t.45), 2004/19/EC (OJ Rhif L71, 10.3.2004, t.8), 2005/79/EC (OJ Rhif L302, 19.11.2005, t.35) a Chyfarwyddeb y Comisiwn 2007/19/EC (OJ Rhif L97, 12.4.2007, t.50).back

[6] OJ Rhif L172, 30.6.2007, t.71. Yr oedd y Gyfarwyddeb hon yn diddymu ac yn cydgrynhoi, heb ddiwygiad pellach, Gyfarwyddeb y Comisiwn 93/10/EEC, fel y cafodd ei diwygio ddiwethaf gan Gyfarwyddeb y Comisiwn 2004/14/EC.back

[7] OJ Rhif L338, 13.11.2004, t.4.back

[8] OJ Rhif L384, 29.12.2006, t.75.back

[9] OJ Rhif L213, 16.8.80, t.42.back

[10] OJ Rhif L167, 24.6.81, t.6.back

[11] O.S. 1987/1523, fel y cafodd ei ddiwygio gan O.S. 1990/2487, O.S. 1991/1476, ac O.S. 1994/979.back

[12] O.S. 2005/1647 (Cy.128). Cafodd y Rheoliadau hyn eu diwygio ar ôl hynny gan O.S. 2005/3254 (Cy.247) ac O.S. 2006/2982 (Cy.273), ond nid oes yr un o'r diwygiadau hynny'n berthnasol i'r ddarpariaeth hon.back

[13] O.S. 2006/1704 (Cy.166)back

[14] OJ Rhif L277, 20.10.1984, t.12.back

[15] OJ Rhif L110, 30.4.2005, t.36.back

[16] OJ Rhif L338, 13.11.2004, t.4.back

[17] O.S. 1990/2463. Cafodd swyddogaethau o dan y Rheoliadau hyn, cyn belled ag y maent yn arferadwy o ran Cymru, eu trosglwyddo i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672). Cafodd y Swyddogaethau hynny eu trosglwyddo i Weinidogion Cymru gan adran 162 ac Atodlen 11, paragraff 30 o Ddeddf Llywodraeth Cymru 2006 (p.32).back

[18] O.S.back

 © Crown copyright 2007