Gorchymyn Ymddiriedolaeth Gwasanaeth Iechyd Gwladol Gogledd Cymru (Trosglwyddo Eiddo, Hawliau a Rhwymedigaethau) 2008
Yn dod i rym
16 Medi 2008
Mae Gweinidogion Cymru, drwy arfer y pwerau a roddwyd gan adrannau 203(9) a (10) a pharagraff 9(1) o Atodlen 3 i Ddeddf y Gwasanaeth Iechyd Gwladol (Cymru) 2006(), drwy hyn yn gwneud y Gorchymyn hwn.
Enwi, cychwyn a dehongli
1.–(1) Enw'r Gorchymyn hwn yw Gorchymyn Ymddiriedolaeth Gwasanaeth Iechyd Gwladol Gogledd Cymru (Trosglwyddo Eiddo, Hawliau a Rhwymedigaethau) 2008 a daw i rym ar 16 Medi 2008.
(2) Yn y Gorchymyn hwn, onid yw'r cyd-destun yn mynnu fel arall;
ystyr "y dyddiad trosglwyddo" ("the transfer date") yw 16 Medi 2008.
Trosglwyddo eiddo, hawliau a rhwymedigaethau
2. Ar y dyddiad trosglwyddo trosglwyddir yr eiddo o'r enw Ysbyty Abergele (Rhif Cofrestrfa'r Tir CYM 324611) a phob hawl a rhwymedigaeth sydd ynghlwm wrth yr eiddo hwnnw o Weinidogion Cymru i Ymddiriedolaeth Gwasanaeth Iechyd Gwladol Gogledd Cymru.().
Edwina Hart
Y Gweinidog dros Iechyd a Gwasanaethau Cymdeithasol, un o Weinidogion Cymru
15 Medi 2008
Nodyn Esboniadol
Mae'r Gorchymyn hwn yn darparu ar gyfer trosglwyddo eiddo o'r enw Ysbyty Abergele oddi wrth Weinidogion Cymru i Ymddiriedolaeth Gwasanaeth Iechyd Gwladol Gogledd Cymru o 16 Medi 2008 ymlaen.
