Gorchymyn Byrddau Iechyd Lleol (Sefydlu a Diddymu) (Cymru) 2009
Gosodwyd gerbron Cynulliad Cenedlaethol Cymru
25 Mawrth 2009
Yn dod i rym
1 Mehefin 2009
Mae Gweinidogion Cymru, drwy arfer y pwerau a roddwyd iddynt gan adrannau 11, 203(9) a (10) a 204 o Ddeddf y Gwasanaeth Iechyd Gwladol (Cymru) 2006() a pharagraffau 11 a 12 o Atodlen 2 iddi yn gwneud y Gorchymyn a ganlyn:
Enwi a chychwyn
1.–(1) Enw'r Gorchymyn hwn yw Gorchymyn Byrddau Iechyd Lleol (Sefydlu a Diddymu) (Cymru) 2009.
(2) Daw'r Gorchymyn hwn i rym ar 1 Mehefin 2009.
Dehongli
2. Yn y Gorchymyn hwn–
-
ystyr "ardal Bwrdd Iechyd Lleol" ("Local Health Board area") yw'r ardal o Gymru y sefydlir Bwrdd Iechyd Lleol o dan erthygl 3 o'r Gorchymyn hwn ar ei chyfer;
-
ystyr "dyddiad diddymu" ("dissolution date") yw 1 Hydref 2009;
-
mae i'r ymadrodd "dyddiad gweithredol" yr ystyr a roddir i "operational date" ym mharagraff 11(2) o Atodlen 2 i Ddeddf y Gwasanaeth Iechyd Gwladol (Cymru) 2006;
-
ystyr "dyddiad sefydlu" ("establishment date") yw 1 Mehefin 2009; ac
-
ystyr "prif ardal llywodraeth leol" ("principal local government area") yw prif ardal llywodraeth leol yng Nghymru fel y'i disgrifir yn Rhannau I a II o Atodlen 4 i Ddeddf Llywodraeth Leol 1972().
Sefydlu Byrddau Iechyd Lleol
3. Yn effeithiol o'r dyddiad sefydlu, sefydlir y chwe Bwrdd Iechyd Lleol a restrir yng ngholofn 1 yn Atodlen 1 i'r Gorchymyn hwn ac fe'u gelwir wrth yr enwau a bennir ar eu cyfer yn yr Atodlen honno.
Ardaloedd Byrddau Iechyd Lleol
4.–(1) Mae pob ardal Bwrdd Iechyd Lleol yn cyfateb i'r prif ardaloedd llywodraeth leol a bennir ar ei gyfer yng ngholofn 2 o Atodlen 1 i'r Gorchymyn hwn.
(2) Os yw'r prif ardaloedd llywodraeth leol a bennir ar gyfer Bwrdd Iechyd Lleol o dan baragraff (1) uchod yn cael eu hamrywio, yna mae ardal y Bwrdd Iechyd Lleol i gael ei hamrywio yn unol â hynny.
(3) Nid yw paragraff (2) uchod yn gymwys i'r weithred o greu prif ardal newydd llywodraeth leol, o ddiddymu prif ardal bresennol llywodraeth leol neu o uno dwy brif ardal llywodraeth leol neu fwy.
Dyddiad gweithredol a dyddiad cyfrifyddu Byrddau Iechyd Lleol
5.–(1) Dyddiad gweithredol pob Bwrdd Iechyd Lleol a sefydlir o dan erthygl 3 o'r Gorchymyn hwn yw 1 Hydref 2009.
(2) Dyddiad cyfrifyddu pob Bwrdd Iechyd Lleol a sefydlir o dan erthygl 3 i'r Gorchymyn hwn yw 31 Mawrth.
Swyddogaethau cyfyngedig cyn y dyddiad gweithredol
6. Rhwng dyddiad ei sefydlu a'i ddyddiad gweithredol, bydd gan bob Bwrdd Iechyd Lleol a sefydlir o dan erthygl 3 o'r Gorchymyn hwn y swyddogaethau a ganlyn–
(a)
ymrwymo i gontractau'r GIG;
(b)
ymrwymo i gontractau eraill gan gynnwys contractau cyflogaeth; ac
(c)
gwneud y cyfryw bethau eraill ag sy'n rhesymol angenrheidiol i'w alluogi i ddechrau gweithredu'n foddhaol yn effeithiol o'r dyddiad gweithredol ymlaen.
Diddymiadau
7. Diddymir, yn effeithiol o'r dyddiad diddymu, yr un ar hugain o Fyrddau Iechyd Lleol a restrir yn Atodlen 2 i'r Gorchymyn hwn ac a sefydlwyd gan Orchymyn Byrddau Iechyd Lleol (Sefydlu) (Cymru) 2003().
Diwygiadau i'r Atodlen i Orchymyn Byrddau Iechyd Lleol (Sefydlu) (Cymru) 2003
8. Diwygir Gorchymyn Byrddau Iechyd Lleol (Sefydlu) (Cymru) 2003 yn unol ag erthygl 9.
9. Yn effeithiol o'r dyddiad diddymu, dileer yr Atodlen i Orchymyn Byrddau Iechyd Lleol (Sefydlu) (Cymru) 2003 (enwau byrddau iechyd lleol a phrif ardaloedd llywodraeth leol y maent yn cael eu sefydlu ar eu cyfer) a rhodder yn ei lle'r Atodlen yn Atodlen 3 i'r Gorchymyn hwn.
Edwina Hart
Y Gweinidog dros Iechyd a Gwasanaethau Cymdeithasol, un o Weinidogion Cymru
24 Mawrth 2009
Erthyglau 3 a 4
ATODLEN 1
Enwau Byrddau Iechyd Lleol a Phrif Ardaloedd Llywodraeth Leol y sefydlir hwy ar eu cyfer
| Colofn 1 |
Colofn 2 |
| Enwau Byrddau Iechyd Lleol a sefydlir o dan erthygl 3 |
Prif ardaloedd llywodraeth leol y sefydlir y Bwrdd Iechyd Lleol ar eu cyfer |
1 Bwrdd Iechyd Lleol Aneurin Bevan
|
Casnewydd, Tor-faen, Sir Fynwy, Caerffili a Blaenau Gwent |
2 Bwrdd Iechyd Lleol Cwm Taf
|
Merthyr Tudful a Rhondda Cynon Taf |
3 Bwrdd Iechyd Lleol Prifysgol Caerdydd a'r Fro
|
Caerdydd a Bro Morgannwg |
4 Bwrdd Iechyd Lleol Prifysgol Abertawe Bro Morgannwg
|
Pen-y-bont ar Ogwr, Castell-nedd Port Talbot ac Abertawe |
5 Bwrdd Iechyd Lleol Hywel Dda
|
Sir Gaerfyrddin, Sir Benfro a Cheredigion |
6 Bwrdd Iechyd Lleol Prifysgol Betsi Cadwaladr
|
Sir y Fflint, Sir Ddinbych, Gwynedd, Wrecsam, Conwy ac Ynys Môn |
Erthygl 7
ATODLEN 2
Y 21 o Fyrddau Iechyd Lleol a ddiddymir yn effeithiol o 1 Hydref 2009
| Byrddau Iechyd Lleol a sefydlwyd o dan erthygl 3 o Orchymyn Byrddau Iechyd Lleol (Sefydlu) (Cymru) 2003 |
| 1 |
Bwrdd Iechyd Lleol Ynys Môn |
| 2 |
Bwrdd Iechyd Lleol Gwynedd |
| 3 |
Bwrdd Iechyd Lleol Caerdydd |
| 4 |
Bwrdd Iechyd Lleol Ceredigion |
| 5 |
Bwrdd Iechyd Lleol Sir Gaerfyrddin |
| 6 |
Bwrdd Iechyd Lleol Sir Ddinbych |
| 7 |
Bwrdd Iechyd Lleol Sir y Fflint |
| 8 |
Bwrdd Iechyd Lleol Sir Fynwy |
| 9 |
Bwrdd Iechyd Lleol Sir Benfro |
| 10 |
Bwrdd Iechyd Lleol Abertawe |
| 11 |
Bwrdd Iechyd Lleol Conwy |
| 12 |
Bwrdd Iechyd Lleol Blaenau Gwent |
| 13 |
Bwrdd Iechyd Lleol Pen-y-bont ar Ogwr |
| 14 |
Bwrdd Addysgu Iechyd Lleol Caerffili |
| 15 |
Bwrdd Iechyd Lleol Merthyr Tudful |
| 16 |
Bwrdd Iechyd Lleol Castell-nedd Port Talbot |
| 17 |
Bwrdd Iechyd Lleol Casnewydd |
| 18 |
Bwrdd Addysgu Iechyd Lleol Rhondda Cynon Taf |
| 19 |
Bwrdd Iechyd Lleol Tor-faen |
| 20 |
Bwrdd Iechyd Lleol Bro Morgannwg |
| 21 |
Bwrdd Iechyd Lleol Wrecsam |
Erthyglau 8 a 9
ATODLEN 3
Erthyglau 3 a 5
"ATODLEN
Enwau Byrddau Iechyd Lleol a Phrif Ardaloedd Llywodraeth Leol y sefydlir hwy ar eu cyfer
| Enwau Byrddau Iechyd Lleol a sefydlir o dan erthygl 3 |
Y brif ardal llywodraeth leol y sefydlir y Bwrdd Iechyd Lleol ar ei chyfer |
| 1 |
Bwrdd Iechyd Lleol Addysgu Powys |
Powys" |
Nodyn Esboniadol
Mae erthygl 3 o'r Gorchymyn hwn yn sefydlu chwe Bwrdd Iechyd Lleol newydd fel y darperir ar eu cyfer yn adran 11 o Ddeddf y Gwasanaeth Iechyd Gwladol (Cymru) 2006 (2006 p.42) ac mae erthygl 4 yn nodi'r ardaloedd y sefydlir hwy ar eu cyfer. Mae'r Gorchymyn hefyd yn darparu yn erthyglau 5 a 6 ar gyfer swyddogaethau dros dro Byrddau Iechyd Lleol rhwng dyddiad eu sefydlu a'u dyddiad gweithredol ac yn nodi eu dyddiad cyfrifyddu.
Mae erthygl 7 o'r Gorchymyn hwn yn dirymu ar 1 Hydref 2009 un ar hugain o'r ddau ar hugain o Fyrddau Iechyd Lleol yng Nghymru.
Mae erthyglau 8 a 9 o'r Gorchymyn hwn yn gwneud diwygiadau i'r Atodlen i Orchymyn Byrddau Iechyd Lleol (Sefydlu) (Cymru) 2003 (2003/148 (Cy.18)) ("Gorchymyn 2003") er mwyn dileu o'r Atodlen honno enwau un ar hugain o Fyrddau Iechyd Lleol a ddiddymir o dan erthygl 7 o'r Gorchymyn hwn. Bydd Bwrdd Iechyd Lleol Addysgu Powys yn parhau ar ei ffurf bresennol fel y'i sefydlwyd o dan Orchymyn 2003 ac mae'r diwygiadau a wneir o dan erthygl 9 yn adlewyrchu hyn.
Mae asesiad effaith rheoleiddiol wedi'i baratoi mewn cysylltiad â'r Gorchymyn hwn. Gellir cael copi oddi wrth Lywodraeth Cynulliad Cymru, Parc Cathays, Caerdydd CF10 3NQ.
Mewn perthynas ag aelodaeth a chyfansoddiad Byrddau Iechyd Lleol, gweler Rheoliadau Byrddau Iechyd Lleol (Cyfansoddiad, Aelodaeth a Gweithdrefnau) (Cymru) 2009 (O.S. 2009/779 (Cy.67)).
