Rheoliadau Addysg (Ardaloedd y Perthyn Disgyblion a Myfyrwyr iddynt) (Diwygio) (Cymru) 2009
Gosodwyd gerbron Cynulliad Cenedlaethol Cymru
2 Mehefin 2009
Yn dod i rym
24 Mehefin 2009
Mae Gweinidogion Cymru, drwy arfer y pwerau a roddwyd i Gynulliad Cenedlaethol Cymru gan adrannau 569(4) a 579(4) o Ddeddf Addysg 1996() ac sydd bellach wedi'u breinio ynddynt hwy() yn gwneud y Rheoliadau canlynol.
Enwi, cychwyn a chymhwyso
1.–(1) Enw'r Rheoliadau hyn yw Rheoliadau Addysg (Ardaloedd y Perthyn Disgyblion a Myfyrwyr iddynt) (Diwygio) (Cymru) 2009 a deuant i rym ar 24 Mehefin 2009.
(2) Mae'r Rheoliadau hyn yn gymwys o ran Cymru.
Diwygio Rheoliadau Addysg (Ardaloedd y Perthyn Disgyblion a Myfyrwyr iddynt) 1996()
2.–(1) Diwygir Rheoliadau Addysg (Ardaloedd y Perthyn Disgyblion a Myfyrwyr iddynt) 1996 fel a ganlyn.
(2) Yn rheoliad 2(1), hepgorer–
""further education student" means a person in respect of whom provision for further education is made;".
(3) Yn rheoliad 2, ar ôl paragraff (3), mewnosoder–
"(4) These Regulations do not apply for the purposes of determining which authority´s area a child is in for the purposes of section 321(3)() of the Education Act 1996."
(4) Yn rheoliad 3(a), hepgorer–
(5) Hepgorer paragraff (b) o reoliad 3.
(6) Yn rheoliadau 4(2)(a), 5(2)(a) a 7(2)(a), yn lle "Part III of the Education Act 1993", rhodder "Part 4 of the Education Act 1996".
(7) Yn rheoliad 4(2)(b), yn lle "section 50(1) of the Education Act 1944", rhodder "section 514(1)() of the Education Act 1996".
(8) Yn rheoliadau 6(2)(b) a 7(2)(c), yn lle "section 298(1) of the Education Act 1993", rhodder "section 19(1)() of the Education Act 1996".
(9) Yn rheoliad 7(1), ar ôl y geiriau "other regulation", ychwaneger y geiriau "in these Regulations".
(10) Yn rheoliad 7(2), –
(a)
hepgorer "or" ar ddiwedd is-baragraff (c), a
(b)
hepgorer is-baragraff (d).
(11) Hepgorer rheoliadau 8, 9, 10 ac 11.
Jane Hutt
Y Gweinidog dros Blant, Addysg, Dysgu Gydol Oes a Sgiliau, un o Weinidogion Cymru
29 Mai 2009
Nodyn Esboniadol
Mae Rheoliadau Addysg (Ardaloedd y Perthyn Disgyblion a Myfyrwyr iddynt) (Diwygio) (Cymru) 2009 yn diwygio Rheoliadau Addysg (Ardaloedd y Perthyn Disgyblion a Myfyrwyr iddynt) 1996() ("y Prif Reoliadau").
Mae rheoliadau 2(2), 2(4), 2(5), 2(10) a 2(11) yn dileu cyfeiriadau at fyfyrwyr addysg bellach yn rheoliadau 2(1) a 3(a) o'r Prif Reoliadau ac yn dirymu rheoliadau 3(b), 7(2)(d), 8, 9 a 10 o'r Rheoliadau hynny. Effaith hyn yw y bydd y Prif Reoliadau yn peidio â gwneud darpariaeth arbennig ynghylch yr ardaloedd y dylid trin myfyrwyr addysg bellach fel bod yn perthyn iddynt. Mae Rheoliad 2(11) hefyd yn dirymu rheoliad 11 o'r Prif Reoliadau sy'n gwneud darpariaeth i beri fod Rheoliadau Addysg (Ardaloedd y Perthyn Disgyblion a Myfyrwyr iddynt) 1989() yn parhau i fod yn gymwys i daliadau penodedig, gan nad oes ei hangen bellach.
Mae rheoliad 2(3) yn diwygio rheoliad 2 o'r Prif Reoliadau i ddarparu nad yw'r Rheoliadau hynny'n gymwys at ddibenion pennu'r awdurdod addysg sy'n gyfrifol am ddynodi, asesu, am wneud a chynnal a chadw datganiadau ac am gyflawni swyddogaethau eraill o dan Ran 4 o Ddeddf Addysg 1996 sy'n ymwneud â phlant ag anghenion addysgol arbennig.
Mae Rheoliadau 2(6) i (8) yn diwygio amryw o reoliadau yn y Prif Reoliadau drwy osod yn lle cyfeiriadau at ddeddfwriaeth nad yw mwyach yn bod gyfeiriadau at ddeddfwriaeth gyfredol.
Mae Rheoliad 2(9) yn diwygio rheoliad 7 o'r Prif Reoliadau i'w gwneud yn glir fod y rheoliad yn gymwys gan gau allan reoliadau eraill yn y Prif Reoliadau yn unig.
