Rheoliadau Deunyddiau ac Eitemau mewn Cysylltiad â Bwyd (Cymru) (Diwygio) 2009
Gosodwyd gerbron Cynulliad Cenedlaethol Cymru
27 Tachwedd 2009
Yn dod i rym
19 Rhagfyr 2009
Mae Gweinidogion Cymru'n gwneud y Rheoliadau canlynol drwy arfer y pwerau a roddwyd gan adrannau 16(2), 17(2), 26(1)(a) a (2)(a) a 48(1) o Ddeddf Diogelwch Bwyd 1990(), ac a freiniwyd bellach ynddynt hwy().
Yn unol ag adran 48(4A) o'r Ddeddf honno, maent wedi rhoi sylw i gyngor perthnasol a roddwyd iddynt gan yr Asiantaeth Safonau Bwyd.
Fel sy'n ofynnol gan Erthygl 9 o Reoliad (EC) Rhif 178/2002 Senedd Ewrop a'r Cyngor, sy'n gosod egwyddorion cyffredinol a gofynion cyfraith bwyd, yn sefydlu Awdurdod Diogelwch Bwyd Ewrop ac yn gosod gweithdrefnau o ran materion diogelwch bwyd(), cafwyd ymgynghoriad cyhoeddus agored a thryloyw tra'r oedd y Rheoliadau hyn yn cael eu paratoi a'u gwerthuso.
Enwi, cychwyn a chymhwyso
1.–(1) Enw'r Rheoliadau hyn yw Rheoliadau Deunyddiau ac Eitemau mewn Cysylltiad â Bwyd (Cymru) (Diwygio) 2009, a deuant i rym ar 19 Rhagfyr 2009.
(2) Mae'r Rheoliadau hyn yn gymwys o ran Cymru.
Diwygiadau i Reoliadau Deunyddiau ac Eitemau mewn Cysylltiad â Bwyd (Cymru) 2007
2. Mae Rheoliadau Deunyddiau ac Eitemau mewn Cysylltiad â Bwyd (Cymru) 2007() yn cael eu diwygio yn unol â rheoliadau 3 i 9.
3. Yn rheoliad 2 (dehongli)–
(a)
ym mharagraff (1)–
(i)
ar ôl y diffiniad o "Rheoliad 2023/2006" ("Regulation 2023/2006") mewnosoder y diffiniad canlynol–
(ii)
yn y diffiniad o "mewnforio" ("import") yn lle "Aelod-wladwriaeth" rhodder "Gwladwriaeth Ardal Economaidd Ewropeaidd"; a
(b)
hepgorer paragraff (2).
4. Ar ôl rheoliad 4 (gorfodi Rheoliad 1935/2004) mewnosoder y canlynol fel rheoliad 4A–
"Gorfodi Rheoliad 450/2009
4A. Bydd unrhyw berson sy'n torri unrhyw un o'r darpariaethau canlynol o Reoliad 450/2009 yn euog o dramgwydd–
(a)
Erthygl 4(f) (gwahardd rhoi ar y farchnad ddeunyddiau ac eitemau gweithredol a deallus nad ydynt yn cydymffurfio â'r gofynion labelu);
(b)
Erthygl 11(1) a (2) (rheolau ychwanegol ar labelu), fel y'i darllenir gyda 4ydd indent Erthygl 14;
(c)
Erthygl 12 (datganiad cydymffurfio); ac
(ch)
Erthygl 13 (dogfennau ategol).".
5. Ar ôl rheoliad 6 (awdurdodau cymwys at ddibenion Rheoliad 1934/2004), mewnosoder y canlynol fel rheoliad 6A–
"Awdurdodau cymwys at ddibenion Rheoliad 450/2009
6A. Yr awdurdodau cymwys at ddibenion Erthygl 13 o Reoliad 450/2009 yw'r Asiantaeth Safonau Bwyd a'r awdurdod sydd â chyfrifoldeb dros orfodi yn unol â rheoliad 14(1).".
6. Ym mharagraff (2)(a) o reoliad 13 (tramgwyddau a chosbau), yn lle "rheoliad 4 neu 5" rhodder "rheoliad 4, 4A neu 5".
7. Yn lle rheoliad 14 (gorfodi) rhodder y canlynol-
"14.–(1) Rhaid i bob awdurdod bwyd yn ei ardal a phob awdurdod iechyd porthladd yn ei ranbarth weithredu a gorfodi–
(a)
darpariaethau Rheoliad 1935/2004 a grybwyllir yn rheoliad 4;
(b)
darpariaethau Rheoliad 450/2009 a grybwyllir yn rheoliad 4A; ac
(c)
yn ddarostyngedig i baragraff (3), y Rheoliadau hyn.
(2) Caiff yr Asiantaeth Safonau Bwyd weithredu a gorfodi darpariaethau–
(a)
Erthyglau 16(1) ac 17(2) o Reoliad 1935/2004; a
(b)
Erthygl 13 o Reoliad 450/2009.
(3) Rhaid i bob awdurdod bwyd yn ei ardal weithredu a gorfodi darpariaethau Rheoliad 2023/2006 a grybwyllir yn rheoliad 5.".
8. Ym mharagraff (2) o reoliad 18 (amddiffyniadau cyffredinol), yn lle "reoliad 4 neu 13(1)(a)" rhodder "reoliad 4, 4A neu 13(1)(a)".
9. Yn rheoliad 21 (gweithredu amryfal ddarpariaethau o'r Ddeddf)–
(a)
ym mharagraff (2), yn lle "Reoliad 1935/2004 neu, fel y bo'n briodol, at Reoliad 2023/2006." rhodder "Reoliad 1935/2004, Rheoliad 2023/2006 neu Reoliad 450/2009 fel y bo'n briodol."; a
(b)
ym mharagraff (3), yn lle "Reoliad 1935/2004 neu, fel y bo'n briodol, at Reoliad 2023/2006," rhodder "Reoliad 1935/2004, Rheoliad 2023/2006 neu Reoliad 450/2009 fel y bo'n briodol".
Gwenda Thomas
Y Dirprwy Weinidog dros Wasanaethau Cymdeithasol, o dan awdurdod y Gweinidog dros Iechyd a Gwasanaethau Cymdeithasol, un o Weinidogion Cymru
26 Tachwedd 2009
Nodyn Esboniadol
1. Mae'r Rheoliadau hyn yn diwygio ymhellach Reoliadau Deunyddiau ac Eitemau mewn Cysylltiad â Bwyd (Cymru) 2007 (O.S. 2007/3252 (Cy. 287), fel y'i diwygiwyd ynghynt gan O.S. 2008/1237 (Cy. 124), O.S. 2008/1682 (Cy. 162) ac O.S. 2009/481 (Cy. 49)) ("y prif Reoliadau") er mwyn darparu ar gyfer gweithredu a gorfodi Rheoliad y Comisiwn (EC) Rhif 450/2009 ar ddeunyddiau ac eitemau gweithredol a deallus y bwriedir iddynt ddod i gysylltiad â bwyd (OJ Rhif L135, 30.5.2009, t.3) ("Rheoliad 450/2009"). Mae'r Rheoliadau hefyd yn diwygio'r modd y diffinnir mewnforio yn y prif Reoliadau.
2. Yn fanwl, mae'r Rheoliadau hyn yn diwygio'r prif Reoliadau drwy–
(a)
mewnosod diffiniad o Reoliad 450/2009 (rheoliad 3(a)(i));
(b)
diwygio'r diffiniad o "mewnforio" i gyfeirio at gynhyrchion sy'n dod o oddi allan i'r Ardal Economaidd Ewropeaidd (rheoliad 3(a)(ii));
(c)
peri bod torri gofynion penodol yn Rheoliad 450/2009 (rheoliad 4) yn dramgwydd, gosod cosbau ar gyfer y cyfryw dramgwydd (rheoliad 6), a darparu ar gyfer amddiffyniad mewn amgylchiadau penodol (rheoliad 8);
(ch)
penodi'r awdurdodau cymwys at ddibenion darpariaethau penodol yn Rheoliad 450/2009 (rheoliad 5);
(d)
dynodi'r awdurdodau gorfodi at ddibenion darpariaethau penodol yn Rheoliad 450/2009 (rheoliad 7); ac
(dd)
darparu bod darpariaethau penodol yn Neddf Diogelwch Bwyd 1990 yn gymwys at ddibenion gorfodi Rheoliad 450/2009 (rheoliad 9).
3. Ni luniwyd asesiad effaith llawn ar gyfer y Rheoliadau hyn, gan na ragwelir unrhyw effaith o gwbl ar y sector preifat na'r sector gwirfoddol.
