Enwi, cychwyn a chymhwyso

2.–(1) Enw'r Rheoliadau hyn yw Rheoliadau Ardaloedd Rheoli Mwg (Tanwyddau Awdurdodedig) (Cymru) (Diwygio) 2009 a deuant i rym ar 31 Rhagfyr 2009.

(2) Mae'r Rheoliadau hyn yn gymwys o ran Cymru.

Diwygiadau

3.–(1) Yn yr Atodlen (Tanwyddau Awdurdodedig) i Reoliadau Ardaloedd Rheoli Mwg (Tanwyddau Awdurdodedig) (Cymru) 2008(3), ar ôl paragraff 8, mewnosoder–

"8A. Brics glo Briteheat, a weithgynhyrchir gan Coal Products Limited yn Immingham Briquetting Works, Immingham, North East Lincolnshire–

(a) wedi'u cyfansoddi o lo carreg (yn cyfateb i ryw 60% i 85% o gyfanswm eu pwysau), golosg petrolewm (yn cyfateb i ryw 30% o gyfanswm eu pwysau), glo rhwym (yn cyfateb i ryw 15% o gyfanswm eu pwysau), a rhwymwr triagl ac asid ffosfforig (yn cyfateb i weddill eu pwysau);

(b) a weithgynhyrchwyd o'r cyfansoddion hynny drwy broses rholio-wasgu a thriniaeth wres ar ryw 300°C;

(c) sy'n frics glo ar siâp clustogau a chanddynt linell wedi'i hindentio'n rhedeg o'u cwmpas ac sy'n pwyso 30 gram y fricsen ar gyfartaledd; ac

(ch) nad yw sylffwr yn cyfateb i fwy na 2% o gyfanswm eu pwysau."

(2) Ar ôl paragraff 41 o'r Atodlen, mewnosoder–

"41A. Brics glo Therma, a weithgynhyrchir gan Maxibrite Limited yn Llantrisant, Rhondda Cynon Taf–

(a) wedi'u cyfansoddi o ronynnau glo caled (yn cyfateb i ryw 84% o gyfanswm eu pwysau), golosg petrolewm (yn cyfateb i ryw 12% o gyfanswm eu pwysau) a rhwymwr starts (yn cyfateb i weddill eu pwysau);

(b) a weithgynhyrchwyd o'r cyfansoddion hynny drwy broses rholio-wasgu a thriniaeth wres ar ryw 250°C;

(c) sy'n frics glo hirgrwn/ar siâp deigryn a chanddynt linell drwy'r canol ac sy'n pwyso 26 gram y fricsen ar gyfartaledd; a

(ch) nad yw sylffwr yn cyfateb i fwy na 2% o gyfanswm eu pwysau."

(3) Ar ôl paragraff 42 o'r Atodlen, mewnosoder–

"42A. Boncyffion tân Tiger Tim, a weithgynhyrchir gan De Lange B V., Rustenburgerweg 3, 1646 WJ Ursem, yr Iseldiroedd–

(a) wedi'u cyfansoddi o gŵyr hydrin (yn cyfateb i ryw 50% o gyfanswm eu pwysau) a blawd llif (yn cyfateb i ryw 50% o gyfanswm eu pwysau);

(b) a weithgynhyrchwyd o'r cyfansoddion hynny drwy broses triniaeth wres ac allwthio;

(c) sy'n foncyffion tân rhyw 280 o filimetrau o hyd a 75 o filimetrau x 75 o filimetrau x 75 o filimetrau a chanddynt un rhigol yn rhedeg ar hyd pob un o'u pedwar wyneb sy'n 280 o filimetrau o hyd ac sy'n pwyso 1.1 kilogram y boncyff ar gyfartaledd; a

(ch) nad yw sylffwr yn cyfateb i fwy na 0.2% o gyfanswm eu pwysau.".

Nodyn Esboniadol

(Nid yw'r nodyn hwn yn rhan o'r Gorchymyn)

Mae'r Rheoliadau hyn yn diwygio Rheoliadau Ardaloedd Rheoli Mwg (Tanwyddau Awdurdodedig) (Cymru) 2008 (O.S. 2008/3100 (Cy.274)) er mwyn ychwanegu tri thanwydd newydd (Brics glo Briteheat, Brics glo Therma a Boncyffion tân Tiger Tim) at y rhestr o danwyddau y datganwyd eu bod yn danwyddau awdurdodedig at ddibenion Rhan III o Ddeddf Aer Glân 1993.

Mae adran 20 o Ddeddf Aer Glân 1993 ("Deddf 1993") yn darparu, pan fo simnai naill ai–

(a) yn simnai adeilad; neu

(b) yn simnai sy'n gwasanaethu ffwrnais bwyler sefydlog neu beiriannau diwydiannol,

fod meddiannydd yr adeilad, neu (yn ôl y digwydd) y person sy'n meddu ar y bwyler neu'r periannau yn euog o dramgwydd os yw'r simnai mewn ardal rheoli mwg ac yn gollwng mwg. Er hynny, mae'n amddiffyniad os gellir profi mai drwy ddefnyddio tanwydd awdurdodedig yn unig yr achoswyd y gollyngiad honedig.

Yng Nghymru, ystyr tanwydd awdurdodedig yw tanwydd y datganwyd ei fod yn awdurdodedig gan Reoliadau a wnaed gan Weinidogion Cymru.

Cafodd asesiad effaith rheoleiddiol ei baratoi ar gyfer yr offeryn hwn. Gellir cael copi ohono gan Lywodraeth Cynulliad Cymru, Parc Cathays, Caerdydd, CF10 3NQ.