Rheoliadau Grant Dysgu'r Cynulliad (Addysg Bellach) (Diwygio) 2010
Gosodwyd gerbron Cynulliad Cenedlaethol Cymru
9 Mawrth 2010
Yn dod i rym
1 Ebrill 2010
Mae Gweinidogion Cymru, drwy arfer y pwerau a roddwyd i'r Ysgrifennydd Gwladol gan adrannau 22, 42(6) a 43(1) o Ddeddf Addysgu ac Addysg Uwch 1998() ac sydd bellach yn arferadwy ganddynt hwy(), yn gwneud y Rheoliadau canlynol:
Enwi, cychwyn a chymhwyso
1.–(1) Enw'r Rheoliadau hyn yw Rheoliadau Grant Dysgu'r Cynulliad (Addysg Bellach) (Diwygio) 2010.
(2) Daw'r Rheoliadau hyn i rym ar 1 Ebrill 2010 ac maent yn gymwys o ran Cymru.
Diwygio Rheoliadau Grant Dysgu'r Cynulliad (Addysg Bellach) 2008
2. Diwygir Rheoliadau Grant Dysgu'r Cynulliad (Addysg Bellach) 2008() yn unol â'r rheoliad a ganlyn.
3. Yn rheoliad 2, yn lle paragraff (b) o'r diffiniad o "cwrs dynodedig", rhodder –
"(b)
sy'n cael ei ariannu gan–
(i)
Llywodraeth Cynulliad Cymru;
(ii)
y Cyngor Dysgu a Sgiliau o dan Ddeddf Dysgu a Medrau 2000();
(iii)
Asiantaeth Ddysgu Pobl Ifanc Lloegr o dan Ddeddf Prentisiaethau, Sgiliau, Plant a Dysgu 2009();
(iv)
y Prif Weithredwr Ariannu Sgiliau o dan Ddeddf Prentisiaethau, Sgiliau, Plant a Dysgu 2009; neu
(v)
awdurdod cyhoeddus sy'n gyfrifol am ariannu addysg (ac eithrio addysg uwch) a hyfforddiant sy'n addas at ofynion personau 19 oed neu drosodd o dan gyfraith yr Alban neu Ogledd Iwerddon;".
Diwygio Rheoliadau Grant Dysgu'r Cynulliad (Addysg Bellach) 2009
4. Diwygir Rheoliadau Grant Dysgu'r Cynulliad (Addysg Bellach) 2009() yn unol â'r rheoliad a ganlyn.
5. Yn rheoliad 2, yn lle paragraff (b) o'r diffiniad o "cwrs dynodedig", rhodder–
"(b)
sy'n cael ei ariannu gan–
(i)
Llywodraeth Cynulliad Cymru;
(ii)
y Cyngor Dysgu a Sgiliau o dan Ddeddf Dysgu a Medrau 2000();
(iii)
Asiantaeth Ddysgu Pobl Ifanc Lloegr o dan Ddeddf Prentisiaethau, Sgiliau, Plant a Dysgu 2009();
(iv)
y Prif Weithredwr Ariannu Sgiliau o dan Ddeddf Prentisiaethau, Sgiliau, Plant a Dysgu 2009; neu
(v)
awdurdod cyhoeddus sy'n gyfrifol am ariannu addysg (ac eithrio addysg uwch) a hyfforddiant sy'n addas at ofynion personau 19 oed neu drosodd o dan gyfraith yr Alban neu Ogledd Iwerddon;".
Leighton Andrews
Y Gweinidog dros Blant, Addysg a Dysgu Gydol Oes, un o Weinidogion Cymru
7 Mawrth 2010
Nodyn Esboniadol
Mae'r Rheoliadau hyn yn diwygio Rheoliadau Grant Dysgu'r Cynulliad (Addysg Bellach) 2008 ("Rheoliadau 2008") a Rheoliadau Grant Dysgu'r Cynulliad (Addysg Bellach) 2009 ("Rheoliadau 2009").
Mae Rheoliadau 2008 a Rheoliadau 2009 yn darparu ar gyfer talu grant i fyfyrwyr cymwys sy'n dilyn cyrsiau addysg bellach dynodedig yn ystod y blynyddoedd academaidd sy'n dechrau ar neu ar ôl 1 Medi 2008 ac ar neu ar ôl 1 Medi 2009 yn y drefn honno. Mae cyrsiau dynodedig fel y'u diffinnir yn y rheoliadau hynny'n cynnwys cyrsiau sy'n cael eu hariannu gan Gyngor Dysgu a Sgiliau Lloegr.
Mae Deddf Prentisiaethau, Sgiliau, Plant a Dysgu 2009 (p. 22) yn gwneud darpariaeth ar gyfer diddymu Cyngor Dysgu a Sgiliau Lloegr ac ar gyfer sefydlu Asiantaeth Ddysgu Pobl Ifanc Lloegr a'r Prif Weithredwr Ariannu Sgiliau i ariannu cyrsiau addysg bellach yn Lloegr.
Mae'r Rheoliadau hyn yn diwygio Rheoliadau 2008 a Rheoliadau 2009 er mwyn gwneud darpariaeth i'r cyrsiau dynodedig a ddiffinnir yn y rheoliadau hynny gynnwys cyrsiau a ariennir gan Asiantaeth Ddysgu Pobl Ifanc Lloegr a chan y Prif Weithredwr Ariannu Sgiliau.
Nid oes Asesiad Effaith Rheoleiddiol wedi ei baratoi ar gyfer yr offeryn hwn, gan nad yw'n effeithio o gwbl ar gostau busnesau, elusennau neu gyrff gwirfoddol. Bach iawn yw'r effaith ar y sector cyhoeddus.
