Enwi a dehongli

1.–(1) Enw'r Gorchymyn hwn yw Gorchymyn Deddf Addysg ac Arolygiadau 2006 (Cychwyn Rhif 5 a Darpariaeth Drosiannol) (Cymru) 2010.

(2) Yn y Gorchymyn hwn ystyr "Deddf 2006" ("the 2006 Act") yw Deddf Addysg ac Arolygiadau 2006.

Diwrnodau penodedig

2. Mae darpariaethau canlynol Deddf 2006 yn dod i rym at y diben o wneud rheoliadau ar 15 Mawrth 2010:

(a) adran 57 (cyllido ysgolion) i'r graddau y mae'n ymwneud â'r darpariaethau a osodir ym mharagraff (b);

(b) paragraffau 3, 4 a 5 o Atodlen 5 (cyllido ysgolion a gynhelir).

3. Mae darpariaethau canlynol Deddf 2006 yn dod i rym ar 2 Ebrill 2010:

(a) adran 57 (cyllido ysgolion) i'r graddau nad yw eisoes mewn grym;

(b) adran 184 (diddymiadau) i'r graddau y mae'n ymwneud â'r darpariaethau a nodir ym mharagraff (ch);

(c) Atodlen 5 (cyllido ysgolion a gynhelir) i'r graddau nad yw eisoes mewn grym;

(ch) yn Rhan 6 o Atodlen 18, diddymu yn Neddf Safonau a Fframwaith Ysgolion 1998–

(i) yn adran 17(6), y geiriau o "but" ymlaen,

(ii) adran 47A(6),

(iii) yn adran 48(4), y geiriau o "the approval" hyd at "and for",

(iv) yn Atodlen 14, paragraff 1(1) i (6), yn Atodlen 15, paragraffau 1(4) a (6), 2(5) a 3.

Darpariaeth drosiannol

4. Dim ond mewn perthynas â blynyddoedd ariannol sy'n dechrau ar 1 Ebrill 2011 neu ar ôl hynny y mae'r diwygiadau a wneir i adrannau 48 a 49 o Ddeddf Safonau a Fframwaith Ysgolion 1998, ac Atodlen 14 iddi, gan baragraffau 3 i 5 o Atodlen 5 i Ddeddf 2006 a'r diddymiad yn Rhan 6 o Atodlen 18 i Ddeddf 2006 o baragraff 1(1) i (6) o Atodlen 14 i Ddeddf Safonau a Fframwaith Ysgolion 1998, yn gymwys.

Nodyn Esboniadol

(Nid yw'r nodyn hwn yn rhan o'r Gorchymyn)

Mae'r Gorchymyn hwn yn dwyn adran 57 o Ddeddf Addysg ac Arolygiadau 2006 ac Atodlen 5 iddi i rym at y diben o wneud rheoliadau ar 15 Mawrth 2010 ac yna'n llawn ar 2 Ebrill 2010 (ynghyd â diddymiadau cysylltiedig a wnaed gan adran 184 ac Atodlen 18).

• Mae adran 57 ac Atodlen 5 yn diwygio darpariaethau Deddf Safonau a Fframwaith Ysgolion 1998 sy'n ymwneud ag ariannu ysgolion a gynhelir. Effaith y diwygiadau hyn fydd fel a ganlyn:

• Diwygir adran 47A o Ddeddf Safonau a Fframwaith Ysgolion 1998 (fforymau ysgolion) er mwyn cyfeirio at unrhyw swyddogaeth a osodir ar fforymau ysgolion gan Ddeddf Safonau a Fframwaith Ysgolion 1998 a dileu'r ddarpariaeth a oedd yn caniatáu rheoliadau i roi'r pŵer i Weinidogion Cymru symud aelod nad yw'n aelod ysgolion o fforwm;

• Diwygir adran 48 o Ddeddf Safonau a Fframwaith Ysgolion 1998 ac Atodlen 14 iddi fel bod dyletswydd awdurdod addysg lleol i baratoi cynllun ariannol yn cael ei disodli gan ddyletswydd i gynnal cynllun a rhaid i unrhyw gynigion i amrywio'r cynllun gael eu cyflwyno i'r fforwm ysgolion. Bydd rheoliadau'n gallu darparu ynghylch cymeradwyaeth gan y fforwm ysgolion neu gan Weinidogion Cymru;

• Diwygir adran 49 o Ddeddf Safonau a Fframwaith Ysgolion 1998 fel y bydd gan ysgolion newydd gyllidebau dirprwyedig o ddyddiad a bennir mewn rheoliadau;

• Diwygir Atodlen 15 i Ddeddf Safonau a Fframwaith Ysgolion 1998 er mwyn dileu hawl corff llywodraethu i apelio i Weinidogion Cymru yn erbyn atal eu hawl i gael cyllideb ddirprwyedig.

• Mae'r Gorchymyn hefyd yn gwneud darpariaeth drosiannol er mwyn darparu mai dim ond mewn perthynas â blynyddoedd ariannol sy'n cychwyn ar 1 Ebrill 2011 neu ar ôl hynny y mae'r diwygiadau a wneir i adrannau 48 a 49 o Ddeddf Safonau a Fframwaith Ysgolion 1998, ac Atodlen 14 iddi, yn gymwys.

Nodyn Orchymyn Cychwyn Blaenorol

(Nid yw'r nodyn hwn yn rhan o'r Gorchymyn)

Mae darpariaethau canlynol Deddf Addysg ac Arolygiadau 2006 wedi'u dwyn i rym o ran Cymru drwy Orchmynion Cychwyn a wnaed cyn dyddiad y Gorchymyn hwn:

Mae amryw o ddarpariaethau Deddf Addysg ac Arolygiadau 2006 wedi'u dwyn i rym mewn perthynas â Lloegr gan yr Offerynnau Statudol canlynol: O.S. 2006/2990 fel y'i diwygiwyd gan O.S. 2008/54, O.S. 2006/3400, O.S. 2007/935 (fel y'i diwygiwyd gan O.S. 2007/1271), O.S. 2007/1271, O.S. 2007/1801, O.S. 2007/3074 ac O.S. 2008/1971.

Gweler hefyd adran 188(1) a (2) ar gyfer y darpariaethau a ddaeth i rym ar 8 Tachwedd 2006 (dyddiad y Cydsyniad Brenhinol) ac 8 Ionawr 2007 (ddeufis yn ddiweddarach).